الماتى قالاسى ەنەرگەتيكا جانە سۋمەن جابدىقتاۋ باسقارماسى ناۋرىزباي اۋدانى ە5 «الما سيتي» تۇرعىن ءۇي كەشەنىنىڭ 28 ءۇيىن جىلىتۋ جۇيەسىنە قوسۋ ماسەلەسى بويىنشا تۇسىنىكتەمە بەردى.
قازىرگى تاڭدا «الما سيتي» ە5 تۇرعىن ءۇي كەشەنى پايدالانۋعا بەرىلمەگەن جانە قالا بالانسىندا ەمەس. سونىمەن قاتار تۇرعىن ءۇي كەشەنى بويىنشا كوممۋنالدىق كاسىپورىندار قول قويۋعا ءتيىس نىساننىڭ دايىندىعى تۋرالى دەكلاراسيا جوق.
تۇرعىنداردى پايدالانۋعا بەرىلمەگەن ۇيگە ورنالاستىرۋ ءۇشىن «Qazaq Stroy» ج ش س قۇرىلىس سالۋشى كومپانياسى جاۋاپتى. «Qazaq Stroy» ماسەلەنى شەشىپ، ۇيلەردى ورتالىق جىلۋمەن تەزىرەك جابدىقتاۋعا قوسۋ ءۇشىن قاجەتتى شارالاردى قابىلداپ جاتىر. قۇرىلىس سالۋشى ءوز مىندەتتەمەلەرىن ورىنداۋ بويىنشا كەپىلحات ۇسىندى.
سونىمەن قاتار بارلىق تەحنيكالىق قۇجاتتامانى العان سوڭ «الماتى جىلۋ جەلىلەرى» ج ش س قىزمەتكەرلەرى تۇرعىن ۇيلەردى تۇراقتى جىلۋمەن جابدىقتاۋعا قوسۋ مۇمكىندىگىن باعالاۋ ءۇشىن قايتادان تەكسەرەدى.