بۇل ماسەلە ءالى دە قاراستىرىلىپ جاتىر.
دەنساۋلىق ساقتاۋ ءمينيسترى اقمارال ءالنازاروۆا دارىگەرگە بارۋ ءۇشىن تەراپيەۆتكە جازىلۋدىڭ قاجەتى بولمايتىنىن ايتتى، دەپ حابارلايدى Almaty-akshamy.kz
«ەندى كاسىبي دارىگەرگە كورىنۋ ءۇشىن تەراپيەۆتكە جازىلۋدىڭ قاجەتى جوق. تەك كاسىبي دارىگەرلەرگە تىكەلەي بارا الاسىز. دەگەنمەن بۇل ماسەلە ءالى دە قاراستىرىلۋ ۇستىندە. ءبىز 1 ناۋرىزدان باستاپ بۇل ماسەلەنى قولعا الدىق. ءبىراق ءتيىستى بۇيرىقتارعا وزگەرىستەر ەنگىزىلىپ جاتىر. مەديسينالىق ساقتاندىرۋ قورىمەن قارجىلاندىرۋ ماسەلەسىن پىسىقتاپ، ايىپپۇل سالماۋدى دە تالقىلاپ، ىشكى جۇمىستاردى ۇيلەستىرىلىپ جاتىرمىز. حات نەگىزىندە جىبەردىك، ءبىراق بۇيرىق ەندى شىعادى»، - دەدى مينيستر.