حالىقتى 18 جاستان باستاپ سكرينينگتىك زەرتتەۋلەرمەن قامتۋ جوسپارلانعان.
بۇل تۋرالى ورتالىق كومۋنكياسيالار قىزمەتىندە وتكەن بريفينگتە ق ر دسم مەديسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى گۇلنار سارسەنبايەۆا مالىمدەدى، دەپ حابارلايدى Almaty-akshamy.kz
ونىڭ ايتۋىنشا، بۇگىندە كولىك مەديسيناسى شالعاي اۋىلداردىڭ تۇرعىندارىنا كومەك كورسەتۋگە مۇمكىندىك بەرەدى. 149 جىلجىمالى مەديسينالىق كەشەن ناۋقاستارعا بارادىجانە حالىققا سكرينينگتىك زەرتتەۋلەر، بەيىندى مامانداردى كونسۋلتاسيالىق قابىلداۋ، زەرتحانالىق جانە فۋنكسيونالدىق زەرتتەۋلەر، ونىڭ ىشىندە مساك-تا ديناميكالىق باقىلاۋداعى سوزىلمالى اۋرۋلارى بار ناۋقاستاردى، حالىقتى ۆاكسيناسيالاۋدى جۇرگىزەدى.
«100 كۇن – 100 سۇراق» جوباسى اياسىندا دەنساۋلىق ساقتاۋ مينيسترلىگى ارنايى ماماندارعا جازىلۋ ماسەلەلەرىمەن بايلانىستى ازاماتتاردان كوپتەگەن وتىنىشتەر الدى. حالىقتى مامانداردىڭ قابىلداۋىنا جازۋ ءتارتىبىن جەڭىلدەتۋ ءۇشىن ق ر دەنساۋلىق ساقتاۋ ءمينيسترىنىڭ 27 ساۋىردەگى بۇيرىعىمەن بەلگىلى ءبىر جاعدايلاردا ۋچاسكەلىك دارىگەردىڭ جولداماسىنسىز امبۋلاتوريالىق جاعدايدا مامانداردىڭ قابىلداۋ ءتارتىبى انىقتالدى. بۇل شۇعىل جاعدايلاردا جانە جاراقاتتاردا، ونىڭ ىشىندە وفتالمولوگيالىق، وتورينولارينگولوگيالىق جانە باسقا دا جاراقاتتاردا؛ تىركەلگەن جەرى بويىنشا اكۋشەر-گينەكولوگقا جانە پسيحولوگقا شۇعىل جانە جوسپارلى ستوماتولوگيالىق كومەك كورسەتۋ؛ ونكولوگيالىق جانە گەماتولوگيالىق بەيىندەگى، ديناميكالىق باقىلاۋ اۋرۋىنىڭ بەيىنى بويىنشا اۋرۋلارعا كۇدىكتە جۇزەگە اسىرىلادى. سونداي-اق، باستاپقى ونكولوگيالىق پاسيەنت مارشرۋتى بەكىتىلدى، وندا ونكولوگيالىق اۋرۋعا كۇدىك كەلتىرىلگەن پاسيەنتتەر "جاسىل ءدالىز" بويىنشا، ياعني جالپى كەزەكتىلىك پەن شەكتەۋلەردەن تىس، 18 جۇمىس كۇنى ىشىندە امبۋلاتوريالىق-ەمحانالىق دەڭگەيدە كونسۋلتاسيا الادى جانە تەكسەرىلەدى»، – دەدى سپيكەر.
مەديسينالىق-سانيتاريالىق العاشقى كومەك دەڭگەيىندە تمككك پاكەتىندە اۋرۋلاردىڭ الدىن الۋ جانە ەرتە انىقتاۋ ماقساتىندا حالىقتى پروفيلاكتيكالىق قاراپ-تەكسەرۋدى كەڭەيتۋ ماسەلەسى پىسىقتالۋدا.
«بيىل پيلوتتىق رەجيمدە اۋىل دەڭگەيىندە قامتىلاتىن بولادى. 2023-2025 جىلدارعا ارنالعان قوسىمشا قارجىلاي قولداۋ تاپقان جاعدايدا تاجىريبەنى ەلدىڭ بارلىق اۋماعىندا تاراتۋ كوزدەلگەن. العاش رەت جاستاردى 18-دەن باستاپ سكرينينگتىك زەرتتەۋلەرمەن قامتۋ جوسپارلانعان»، – دەدى گۇلنار سارسەنبايەۆا.