سەنات دەپۋتاتتارى قازاقستان مەن موڭعوليا ۇكىمەتتەرى اراسىنداعى زەينەتاقى سالاسىنداعى ىنتىماقتاستىق تۋرالى كەلىسىمدى راتيفيكاسيالاۋ جونىندەگى زاڭدى قاراپ، قابىلدادى، دەپ حابارلايدى اqshamnews.kz ءتىلشىسى.
قۇجات ەكى ەل ازاماتتارىنىڭ زەينەتاقى قۇقىقتارىن قورعاۋعا باعىتتالعان. اتاپ ايتقاندا، ەڭبەك ءوتىلىن ەسەپكە الۋ، سونداي-اق زەينەتاقى تولەمدەرىن تاعايىنداۋ مەن جۇزەگە اسىرۋ ءتارتىبىن ناقتىلايتىن قۇقىقتىق تەتىكتەردى قالىپتاستىرۋدى كوزدەيدى.
بۇعان دەيىن كەلىسىمنىڭ ماڭىزدى جاڭالىعى رەتىندە موڭعوليادان كەلگەن قانداستاردىڭ زەينەتاقى قورىنداعى جيناعىن قازاقستانعا اۋدارۋ مۇمكىندىگى قاراستىرىلعانى ايتىلعان. بۇل قۇجاتقا 2024 جىلعى 29 قازاندا ۇلان-باتىردا قول قويىلىپ، كەيىن ونى ءماجىلىس راتيفيكاسيالاعان ەدى.
ىشكى ىستەر مينيسترلىگىنىڭ مالىمەتىنشە، 2025 جىلى قازاقستانعا موڭعوليانىڭ 43 352 ازاماتى كىرىپ، 43 001 ادام ەلدەن شىققان. ال 2024 جىلى 44 240 ازامات كىرىپ، 40 916 ادام شىققان.
ءقازىر قازاقستاندا موڭعوليانىڭ 6 755 ازاماتى تۇراقتى تۇرادى، ونىڭ 6 236-سى – قانداستار. 2025 جىلى 979 ادام تۇراقتى تۇرۋعا رۇقسات العان. سونداي-اق ق ر ازاماتتىعىن موڭعوليانىڭ 752 ازاماتى العان، ولاردىڭ 744ء-ى – قانداستار.