«اشىق نقا» پورتالىندا ورمان شارۋاشىلىعى جانە جانۋارلار دۇنيەسى كوميتەتىنىڭ سەكسەۋىل كەسۋگە تىيىم سالۋ تۋرالى بۇيرىعىنىڭ جوباسى كوپشىلىك تالقىلاۋىنا شىعارىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ۋران كەن ورىندارىن قازىپ شىعاراتىن جانە مەملەكەتتىك ورمان قورىنىڭ قۇبىر جەلىسى وتەتىن جەرلەردە جاپپاي كەسۋدى قوسپاعاندا، قازاقستان رەسپۋبليكاسىنىڭ مەملەكەتتىك ورمان قورى ۋچاسكەلەرىندەگى سەكسەۋىل ەكپەلەرىندە اعاش كەسۋدىڭ بارلىق تۇرىنە 2028 جىلعى 31 جەلتوقسانعا دەيىن تىيىم سالىنسىن»، - دەلىنگەن قۇجاتتا.
اتالعان بۇيرىقتىڭ ورىندالۋىن وبلىس اكىمدىكتەرى قاداعالايدى.
كەيىنگى جىلدارى قازاقستاندا سەكسەۋىلدى ەكولوگيالىق اپات ايماقتارىنا ەگۋ تاجىريبەسى ءجيى قولدانىلا باستادى. مىسالى، 2021-2025 جىلدار ارالىعىندا ارالدىڭ تابانىنا 1،1 ملن گا اۋماققا سەكسەۋىل ەگۋ جوسپارى ىسكە اسىرىلىپ جاتىر.