ۆيسە-پرەمەر مەملەكەتتىك ورگانداردىڭ بالا قۇقىقتارى جونىندەگى ۋاكىلمەن بىرلەسكەن جۇمىسىن ۇيلەستىرۋ مەن ءبىرىڭعاي ءتاسىلدىڭ ماڭىزدىلىعىن اتاپ ءوتتى.
تامارا دۇيسەنوۆا ورتالىق جانە جەرگىلىكتى اتقارۋشى ورگانداردىڭ قاتىسۋىمەن بالا قۇقىقتارى جونىندەگى ۋاكىل دينارا زاكييەۆا كوتەرگەن ماسەلەلەر بويىنشا كەڭەس وتكىزدى، دەپ حابارلايدى Almaty-akshamy.kz
دينارا زاكييەۆانىڭ ءاربىر ۇسىنىسى بويىنشا پرەمەر-مينيستردىڭ ورىنباسارى مەملەكەتتىك ورگاندارعا ناقتى تاپسىرمالار بەردى.
وتباسىلاردى جان-جاقتى كومەكپەن قامتۋ جۇمىستارىن ۇيلەستىرۋ ماسەلەلەرىن جۇمىسپەن قامتۋ جانە الەۋمەتتىك باعدارلامالار ورگاندارىنا بەكىتۋ تاپسىرىلدى.
ىشكى ىستەر مينيسترلىگىنە مەملەكەتتىك ورگاندارمەن جانە اكىمدىكتەرمەن بىرلەسىپ، قولايسىز جاعدايداعى وتباسىلاردى ەرتە انىقتاۋ بويىنشا ءموبيلدى توپتاردىڭ جۇمىسىن زاڭنامالىق تۇرعىدان بەكىتۋدى پىسىقتاۋ تاپسىرىلدى.
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى وتباسى، ايەلدەر جانە بالالار ماسەلەلەرى بويىنشا كومەك كورسەتۋ ءۇشىن ءبىرىڭعاي مەملەكەتتىك بايلانىس ورتالىعىن قۇرۋمەن اينالىساتىن بولادى.
سونداي-اق ۆيسە-پرەمەر وقۋ-اعارتۋ، ەڭبەك جانە حالىقتى الەۋمەتتىك قورعاۋ، دەنساۋلىق ساقتاۋ، مادەنيەت جانە سپورت مينيسترلىكتەرىنە اكىمدىكتەرمەن، بالا قۇقىقتارىن قورعاۋ جونىندەگى ۋاكىلمەن بىرلەسىپ، بالالارعا ارنالعان بارلىق مەملەكەتتىك ۇيىمداردى (وڭالتۋ ورتالىقتارى، ينتەرناتتار، بالالار لاگەرلەرى جانە ت. ب.) كەزەڭ-كەزەڭىمەن جوندەۋ، ماتەريالدىق-تەحنيكالىق بازاسىن جاڭارتۋ بويىنشا تەكسەرۋ جۇرگىزۋدى تاپسىردى.
تامارا دۇيسەنوۆا يندۋستريا جانە ينفراقۇرىلىمدىق دامۋ، ءبىلىم مينيسترلىكتەرىنە وبلىس اكىمدىكتەرىمەن بىرلەسە وتىرىپ، جەتىم جانە اتا-اناسىنىڭ قامقورلىعىنسىز قالعان بالالارعا وبلىس ورتالىقتارىنان تۇرعىن ءۇي بەرۋ ماسەلەلەرىن پىسىقتاۋدى تاپسىردى.
تامارا دۇيسەنوۆا بالالاردىڭ قاۋىپسىزدىگىن قامتاماسىز ەتۋگە ەرەكشە نازار اۋدارۋدى تاپسىردى. تۇركىستان وبلىسىنداعى سوڭعى قايعىلى وقيعاعا بايلانىستى اكىمدىكتەرگە ىشكى ىستەر مينيسترلىگىمەن بىرلەسە وتىرىپ، جازاسىن وتەپ شىققان ازاماتتاردى قايتا الەۋمەتتەندىرۋ بويىنشا دەرەكتەر قورىن قۇرۋ تاپسىرىلدى.