بۇيرىق 2022 جىلعى 14 تامىزدان باستاپ كۇشىنە ەنەدى
دەنساۋلىق ساقتاۋ ءمينيسترىنىڭ 2022 جىلعى 29 شىلدەدەگى بۇيرىعىمەن اۋرۋحانالارداعى مەديسينالىق كومەك كورسەتۋ ستاندارتىنا وزگەرىستەر ەنگىزىلدى، دەپ حابارلايدى Almaty-akshamy.kz.
اتاپ ايتقاندا، جوسپارلى گوسپيتاليزاسيا كەزىندە كوروناۆيرۋسقا پتر تەستىلەۋدەن ءوتۋ جانە ناۋقاستى شۇعىل گوسپيتاليزاسيالاۋ كەزىندە CVI-عا ەكسپرەسس-تەست جاساۋ تالاپتارى الىنىپ تاستالدى.
سونىمەن جاڭا تۇزەتۋلەردە مەملەكەتتىك قىزمەت كورسەتۋ ستاندارتتارى بەلگىلەنگەن:
• ناۋقاستاردى ستاسيونارعا جاتقىزۋعا جولداما بەرۋ؛
• ستاسيونارلىق ناۋقاستىڭ مەديسينالىق كارتاسىنان ءۇزىندى كوشىرمە بەرۋ؛
• ساناتوريالىق-كۋرورتتىق ەمدەلۋ قاجەتتىگى تۋرالى قورىتىندى بەرۋ.
«دەمەك ەلەكتروندى ۇكىمەت پورتالى ارقىلى ساناتوريالىق-كۋرورتتىق ەمدەلۋ قاجەتتىگى تۋرالى قورىتىندى الۋعا بولادى»، – دەلىنگەن حابارلامادا.
قۇجاتتاردىڭ تولىق پاكەتىن ۇسىنعان جاعدايدا مساك دەنساۋلىق ساقتاۋ ۇيىمىنىڭ دارىگەرى ساناتوريالىق-كۋرورتتىق كارتانى رەسىمدەيدى. وعان ءبولىم مەڭگەرۋشىسى قول قويادى جانە دەنساۋلىق ساقتاۋ ۇيىمىنىڭ جاۋاپتى مامانىنا بەرەدى.
ودان كەيىن ءوتىنىش بەرۋشىنىڭ جەكە كابينەتىنە مەديسينالىق ۇيىمنىڭ ۋاكىلەتتى تۇلعاسىنىڭ نەمەسە ونىڭ مىندەتتەرىن اتقاراتىن تۇلعانىڭ ەسق قويىلعان مەملەكەتتىك قىزمەتتى كورسەتۋ ناتيجەسىن الۋ كۇنى تۋرالى حابارلاما جىبەرىلەدى.
بۇيرىق 2022 جىلعى 14 تامىزدان باستاپ كۇشىنە ەنەدى.