بۇل تۋرالى وكق-دا وتكەن بريفينگتە ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى ءتوراعاسىنىڭ ورىنباسارى ەربولات ابۋلحاتين مالىمدەدى، دەپ حابارلايدى aqshamnews.kz.
الەمدە ينۆەستيسيالار ءۇشىن باسەكەلەستىكتىڭ كۇشەيۋى اياسىندا ەلدەگى بيزنەس-يمميگراسيانى ودان ءارى دامىتۋ بويىنشا جۇمىستار جۇرگىزىلۋدە. ءبىزدىڭ ەلدە ەتنيكالىق قازاقتاردى «اتا جولى» كارتاسىنا تارتۋ بويىنشا شارالار قولعا الىندى. وسى كارتانى الۋعا ۇمىتكەرلەردىڭ گەوگرافياسى كەڭەيىپ كەلەدى. بۇگىنگى تاڭدا رەسەي فەدەراسياسى، گەرمانيا، جۇڭگو سياقتى تاياۋ شەت ەلدەرمەن قاتار، «اتا جولى» كارتاسىن الۋعا اقش، ەۋروپالىق وداق ەلدەرىنىڭ ازاماتتارى – ەتنيكالىق قازاقتار دا قىزىعۋشىلىق تانىتۋدا، - دەدى ەربولات ابۋلحاتين.
بۇگىنگى تاڭدا «اتا جولى» كارتاسىن 57 ەتنيكالىق قازاق الدى. ونىڭ ىشىندە سۇرانىسقا يە ماماندىقتارى بار 31 ادام جانە 26 ادام كاسىپكەر. «اتا جولى» كارتاسىن العان ەتنيكالىق قازاقتار كوبىنە استانا جانە الماتى قالالارىندا تۇرادى.
ەستەرىڭىزگە سالا كەتسەك، «اتا جولى» كارتاسى ءوز ەلدەرىندە سۇرانىسقا يە كاسىپتەرى بار نەمەسە تابىستى بيزنەس-كەيستەردى ىسكە اسىرعان جانە ولاردى قازاقستاندا كەڭىنەن قولدانۋعا نيەت بىلدىرگەن ەتنيكالىق قازاقتارعا بەرىلەدى.