سيفرلىق قۇجات - ءتۇپنۇسقا قۇجاتتىڭ بالاماسى
سيفرلىق اڭشى كۋالىگىن eGov Mobile قوسىمشاسىندا قازاقستان رەسپۋبليكاسىنىڭ اۋماعىندا جەكە تۇلعانىڭ اڭ اۋلاۋ قۇقىعىن كۋالاندىرۋ ءۇشىن پايدالانۋعا بولادى. ەلەكتروندىق قۇجات 2023 جىلدىڭ قاڭتارىنان باستاپ ونى راسىمدەگەن ازاماتتار ءۇشىن قولجەتىمدى، دەپ حابارلايدى Almaty-akshamy.kz.
"جاڭا سيفرلىق قۇجاتتى تابۋ ءۇشىن eGov Mobile قوسىمشاسىندا اۆتوريزاسيادان ءوتىپ، باستى بەتتەگى "سيفرلىق قۇجاتتار" بولىمىندەگى "اڭشى كۋالىگىنە" باسۋ قاجەت. سيفرلىق قۇجات - ءتۇپنۇسقا قۇجاتتىڭ بالاماسى"، - دەلىنگەن ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ باسپا ءسوز قىزمەتىنىڭ حابارلاماسىندا.
قازىرگى ۋاقىتتا eGov mobile ءموبيلدى قوسىمشاسىنىڭ "سيفرلىق قۇجاتتار" سەرۆيسىندە 11،7 ميلليوننان استام ازامات بەلسەندى پايدالاناتىن 24 قۇجات (جەكە كۋالىك، ق ر ازا ماتىنىڭ پاسپورتى، جۇرگىزۋشى كۋالىگى، ۆاكسيناسيا پاسپورتى، پتر تەستى جانە تۋۋ تۋرالى كۋالىك جانە ت. ب.) بار.
بارلىق سيفرلىق قۇجاتتاردى تالاپ ەتۋ ورنى بويىنشا ۇسىنۋعا بولادى، زاڭمەن ەلەكتروندىق قۇجاتتىڭ، ياعني سيفرلىق قۇجاتتاردىڭ، ولاردىڭ انالوگتارىنىڭ بالامالىلىعى بەكىتىلگەن.