ەڭبەكپەن شىڭدالعان جەتىستىك – جاستارعا تاعىلىمدى كەزدەسۋ

  • 12:42، 05 قازان 2025
ەڭبەكپەن شىڭدالعان جەتىستىك – جاستارعا تاعىلىمدى كەزدەسۋ سۋرەت: الماتى اكىمدىگى

«جۇمىسشى ماماندىقتار جىلى» اياسىنداالماتى قالاسى ىشكى ساياسات باسقارماسىنىڭ قوعامدىق دامۋ ورتالىعى جاستارعا ارنالعان ەرەكشە تاعىلىمدى شارا ۇيىمداستىردى،-دەپ حابارلايدى Aqshamnews.kz.

WORKSHOP فورماتىندا جۇزەگە اسىپ كەلە جاتقان«ەڭبەك پەن شەبەرلىك» جوباسىنىڭ كەزەكتى كەزدەسۋى«ەڭبەكپەن شىڭدالعان جەتىستىك» اتتى تاقىرىپتا ءوتتى.

بۇل شارانىڭ باستى ماقساتىجاس ۇرپاقتىڭ كاسىبي باعدارىن قالىپتاستىرۋ، بولاشاق ماماندىق تاڭداۋ بارىسىندا دۇرىس باعىت بەرۋ جانە ەڭبەك نارىعىندا ءوز ورنىن تابۋعا كومەكتەسۋ. ويتكەنى بۇگىنگى تاڭدا قوعامدا بىلىممەن قاتار ەڭبەكقورلىقپەن تاباندىلىقتى بويىنا سىڭىرگەن، ءوز ءىسىنىڭ ناعىز شەبەرى بولا الاتىن ماماندار اسا قاجەت.

كەزدەسۋدىڭ باستى قوناعى – الماتى لوكوموتيۆ پايدالناۋ دەپوسىنىڭ باسشىسى، تاجىريبەلى مامان ءارى ءوز ىسىنە ادالدىعىمەن تانىلعان ساتىبالدى ايدىن ەشمۇحامبەت ۇلى بولدى. ول ءوزىنىڭ ەڭبەك جولىن جۇمىسشىدان باستاپ، تاباندىلىعى مەن ەڭبەكسۇيگىشتىگىنىڭ ارقاسىندا باسشىلىق دەڭگەيىنە دەيىن كوتەرىلگەنىن جاسىرماي دالەلدەدى. ايدىن ەشمۇحامبەت ۇلى كاسىبي جولدىڭ ءار قادامىنا توقتالىپ، جاستىق شاقتاعى ىزدەنىستەر مەن قيىندىقتاردى قالاي ەڭسەرگەنىن بايانداپ بەردى.«ەڭبەكتىڭ ەڭ اسىل جەمىسى – شىدامدىلىق پەن تاباندىلىق. ەگەر ادام ءوز ىسىنە ادال بولسا، كاسىبىن سۇيسە، قانداي دا ءبىر قيىندىقتى ەڭسەرىپ، ارمانىنا جەتە الادى. جۇمىسشى ماماندىعى – ۇلكەن تاجىريبەنىڭ باستاۋى ءارى كاسىبي بيىككە اپاراتىن العاشقى قادام»، – دەدى ول جاستارعا ارناعان سوزىندە.

كەزدەسۋ بارىسىندا جاستار تەك تىڭداۋشى بولىپ قانا قويعان جوق، وزدەرىن قىزىقتىرعان سۇراقتارىن قويىپ، اشىق پىكىر الماستى. بولاشاق ماماندىقتى تاڭداۋداعى جاۋاپكەرشىلىك، ەڭبەك نارىعىنداعى سۇرانىسقا يە سالالار جانە كاسىبي دامۋدىڭ ماڭىزى ءجونىندە وي ءبولىستى.

جيىن سوڭىندا قاتىسۋشىلار جۇمىسشى ماماندىقتارىنىڭ بولاشاعى بار ەكەنىن ءتۇسىنىپ، ەڭبەكقورلىقتىڭ تابىسقا باستايتىن باستى قۇندىلىق ەكەنىن تەرەڭ ۇعىندى. ءاسىرەسە، قاراپايىم جۇمىسشىدان جەتەكشى تۇلعاعا دەيىن وسكەن تاجىريبەلى ماماننىڭ ومىرلىك تاجىريبەسىجاستارعا ۇلكەن سەرپىلىس بەردى.

وسىنداي كەزدەسۋلەردىڭ ءمانى – جاستارعا ەڭبەككە قۇرمەتپەن قاراۋدى ۇيرەتۋ، تابىسقا جەتۋدىڭ تەك توزىمدىلىك پەن ادال ەڭبەكتىڭ ارقاسىندا ءمۇمكىن بولاتىنىن سەزىندىرۋ. «ەڭبەكپەن شىڭدالعان جەتىستىك» اتتى تاعىلىمدى كەزدەسۋ – جاس بۋىن ءۇشىن ومىرلىك ساباق قانا ەمەس، بولاشاققا باعىت-باعدار بەرگەن ەرەكشە باسقوسۋ بولدى.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

14:02

13:20

12:42

12:11

11:35

10:04

09:14

17:45

16:43

15:25

14:04

13:22

12:23

11:18

10:18

09:43

09:14

17:55

17:35

17:30

17:29

17:07

16:51

16:31

16:17