اتالعان شارا بيىل بەسىنشى رەت وتكەلى وتىر.
نۇر-سۇلتان قالاسىندا ەڭبەك وزاتتارىنىڭ رەسپۋبليكالىق فورۋمى وتەدى، دەپ حابارلايدى Almaty-akshamy.kz
بۇل تۋرالى ەلوردادا وتكەن «تاۋەلسىزدىك جانە قازاقستاننىڭ اگروونەركاسىپ كەشەنىنىڭ دامۋى» اتتى كونفەرەنسيا بارىسىندا بەلگىلى بولدى.
«15 جەلتوقسان كۇنى ەلوردادا ەڭبەك وزاتتارىنىڭ رەسپۋبليكالىق فورۋمى وتەدى. وعان ەلىمىزدىڭ تۇكپىر-تۇكپىرىنىڭ اۋىل شارۋاشىلىعى سالاسىندا ەڭبەك ەتىپ جاتقان ماماندارى مەن ەڭبەك ۇزدىكتەرى قاتىسادى. ماقسات – ەل ءۇشىن، اۋىل شارۋاشىلىعى سالاسىندا تەر توگىپ جۇرگەن ازاماتتاردىڭ ەڭبەگىن باعالاۋ، ولارعا قۇرمەت كورسەتۋ. ول جەردە ەڭبەك وزاتتارىنا پرەزيدەنتتىڭ قۇتتىقتاۋىنان باستاپ، مەملەكەتتىك جانە مينيسترلىك دەڭگەيىندەگى ناگراداعا دەيىن تابىس ەتىلەدى. ءبىز قاراپايىم شارۋالاردىڭ ەڭبەگىن دارىپتەپ، ولار تۋرالى كوپ ايتۋىمىز كەرەك»، - دەدى «اۋىل» پارتياسىنىڭ ءتوراعاسى، ق ر پارلامەنتى سەناتى دەپۋتاتى ءالي بەكتايەۆ.