ەڭبەك ءمينيسترى ەسەپ بەرەدى

ەرتەڭ ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ حالىققا ەسەپ بەرۋ كەزدەسۋىن وتكىزەدى. 

كەزدەسۋ online رەجيمىندە وتەدى. ءىس-شارا نۇر-سۇلتان قالاسىنىڭ ۋاقىتى بويىنشا ساعات 14.00-دە باستالادى، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسووز قىزمەتىنە سىلتەمە جاساپ.

 ق ر پرەزيدەنتىنىڭ «ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى» 2016 جىلعى 5 اقپانداعى №190 جارلىعىنا سايكەس، سەرىك جامبىل ۇلى شاپكەنوۆ مينيسترلىك قىزمەتىنىڭ ناتيجەلەرى، ەلىمىزدە ىسكە اسىرىلىپ جاتقان رەفورمالار، الەۋمەتتىك-ەكونوميكالىق دامۋ، ستراتەگيالىق جوسپاردىڭ نەگىزگى كورسەتكىشتەرىنە قول جەتكىزۋ جانە مينيسترلىك جەتەكشىلىك ەتەتىن سالالاردى دامىتۋ جونىندەگى مىندەتتەر تۋرالى حاباردار ەتەدى.

ەسەپ بەرۋ كەزدەسۋىنىڭ تىكەلەي كورسەتىلىمى مينيسترلىكتىڭ سايتىندا، سونداي-اق Facebook https://www.facebook.com/enbek.gov.kz، YouTube https://www.youtube.com/channel/UCR4RVBVn-HMQPkjJiN35UbA الەۋمەتتىك جەلىلەرىندەگى رەسمي اككاۋنتتاردا جۇزەگە اسىرىلادى.