Enbek HR قوسىمشاسى مەن hr.enbek.kz پورتالى ەلەكتروندىق ەڭبەك بيرجاسىنىڭ سيفرلىق جۇمىسپەن قامتۋ ەكوجۇيەسىنىڭ بولىگى بولىپ تابىلادى
قازاقستاندا Enbek HR ءموبيلدى قوسىمشاسى ىسكە قوسىلدى، دەپ حابارلايدى Almaty-akshamy.kz.
ول hr.enbek.kz (بۇدان ءارى – پورتال) ەڭبەك رەسۋرستارى پورتالىمەن تولىق سينحروندالعان، بۇل جۇمىسكەرلەرگە سمارتفون ارقىلى ەڭبەك شارتتارىن ەسەپكە الۋدىڭ ءبىرىڭعاي جۇيەسىندە تىركەلگەن ەڭبەك شارتتارى تۋرالى مالىمەتتەردى الۋعا مۇمكىندىك بەرەدى، دەلىنگەن ق ر ەڭبەك جانە حالىقتى الەۋمەتتىك قورعاۋ مينيسترلىگى تاراتقان مالىمەتتە.
Enbek HR موبيلدىك قوسىمشاسىندا جەكە كابينەتتە جۇمىسكەرلەر وزدەرىنىڭ ەڭبەك شارتتارىن كورە الادى، جۇمىس ورنىنان انىقتامانى جانە جەكە ىسىنەن اقپاراتتى جۇكتەي الادى – فوتو، جەكە كۋالىك، پاسپورت دەرەكتەرى، ءبىلىمى، ەڭبەك قىزمەتى تۋرالى مالىمەتتەر، 075/ە مەديسينالىق انىقتاما، پسيحو/ناركو/تۋب. ديسپانسەرلەردەگى ەسەپ مالىمەتتەرى جانە ت. ب.
قوسىمشا ارقىلى نەمەسە پورتالداعى جەكە كابينەتتە جۇمىسكەر جۇمىسقا ورنالاسۋ ءۇشىن ەلەكتروندىق جەكە ءىستى قالىپتاستىرۋ ماقساتىندا جۇمىس بەرۋشىگە اتالعان دەربەس دەرەكتەرگە قول جەتكىزۋگە ءوزىنىڭ كەلىسىمىن راستاي الادى.
ەڭبەك شارتى بويىنشا ماڭىزدى ەمەس مالىمەتتەر انىقتالعان جاعدايدا، قىزمەتكەردىڭ ەڭبەك شارتىنىڭ دەرەكتەرىن وزگەرتۋگە، ەڭبەك شارتىن بۇزۋ تۋرالى اقپارات ەنگىزۋگە نەمەسە الىپ تاستاۋعا سۇراۋ سالۋ مۇمكىندىگى بار.
سۇراۋ سالۋدى قالىپتاستىرۋ ءۇشىن «ەڭبەك شارتىن» تاڭداۋ، «دەرەكتەردى بۇزۋ، جويۋ نەمەسە وڭدەۋ» ارەكەتىن تاڭداۋ، مىندەتتى مالىمەتتەردى كورسەتۋ، راستايتىن قۇجاتتى (JPG، JPEG، PNG، PDF فورماتىندا) قوسا بەرۋ جانە قوسىمشادا SMS-حابارلاما ارقىلى الىنعان كودپەن راستاۋ قاجەت. جوعارىدا كورسەتىلگەن راسىمدەردەن كەيىن سۇراۋ سالۋ پورتالداعى جۇمىس بەرۋشىنىڭ جەكە كابينەتىنە قاراۋعا جىبەرىلەدى، جۇمىس بەرۋشىدەن ءۇش جۇمىس كۇنى ىشىندە ىس-ارەكەت بولماعان جاعدايدا ۋاكىلەتتى ورگان سۇراۋ سالۋدى قارايدى جانە ءۇش جۇمىس كۇنى ىشىندە دە شەشىم قابىلدايدى.
قوسىمشانىڭ قىزمەتتەرىن پايدالانۋ ءۇشىن ءموبيلدى ازاماتتار بازاسىندا تىركەلگەن ءموبيلدى ءنومىردىڭ بولۋى جەتكىلىكتى. ەگەر قىزمەتكەر بۇرىن پورتالدا تىركەلگەن بولسا، وندا ءموبيلدى قوسىمشادا قايتا تىركەۋ تالاپ ەتىلمەيدى – اۆتوريزاسيا پورتال ءۇشىن قولدانىستاعى لوگين مەن پارولمەن جۇزەگە اسىرىلادى.
Enbek HR قوسىمشاسى مەن hr.enbek.kz پورتالى ەلەكتروندىق ەڭبەك بيرجاسىنىڭ سيفرلىق جۇمىسپەن قامتۋ ەكوجۇيەسىنىڭ بولىگى بولىپ تابىلادى. بۇل ەكوجۇيە ازاماتتاردى كاسىبي جولىندا ماماندىق تاڭداۋدان باستاپ ەڭبەك قاتىناستارىن رەسىمدەۋگە دەيىن سۇيەمەلدەيدى. ءبىر ەسەپتىك جازباسى بار ازامات پورتالدا نەمەسە Enbek.kz قوسىمشاسىندا جۇمىس تابا الادى نەمەسە مەملەكەتتىك قىزمەتتەر مەن جۇمىسپەن قامتۋ شارالارىن الا الادى، Skills.Enbek.kz ونلاين-وقىتۋ پلاتفورماسىندا جاڭا داعدىلاردى ۇيرەنەدى، Business.Enbek.kz پورتالىندا بيزنەس اشۋعا مەملەكەتتىك گرانت الا الادى.
Enbek HR قوسىمشاسى تەگىن جانە PlayMarket جانە AppStore دۇكەندەرىندە قولجەتىمدى.