ەڭ ءقاۋىپتى تاعامدىق قوسپالار

بۇلار ادامدى قاتەرلى ىسىككە شالدىقتىرادى.

گاستروەنتەرولوگ سۋراب سەتحي كوپتەگەن ۋلتراوڭدەلگەن تاعام ونىمدەرىندە كەزدەسەتىن ءۇش كانسەروگەندى حيميالىق زاتتى اتادى، دەپ حابارلايدى aqshamnews.kz

تارترازين (E102)

ءقاۋىپتى ءتىزىمنىڭ باسىندا تارترازين تۇر، بۇل – وڭدەلگەن كونديتەرلىك ونىمدەردە، چيپستەردە، قۇرعاق تاڭعى استىقتاردا جانە ءتۇرلى-تۇستى كامپيتتەردە ءجيى كەزدەسەتىن جاساندى تاعامدىق بوياعىش.

«ول گيپەراكتيۆتىلىككە، استماعا جانە ءتىپتى بالالارداعى مىنەز-قۇلىق ماسەلەلەرىنە بايلانىستىرىلادى. ونىڭ قولدانىلۋى كوپتەگەن ەلدەردە تىيىم سالىنعان نەمەسە شەكتەلگەن، ءبىراق اقش-تا ءالى دە جەڭىل تاعامداردا، سۋسىنداردا جانە ءتىپتى دارۋمەندەردە كەزدەسەدى»، – دەيدى سەتحي.

بۋتيلگيدروكسيتولۋول (E321)

بۋتيلگيدروكسيتولۋول، نەمەسە يونول – مايلاردىڭ بۇزىلۋىنا جول بەرمەيتىن كونسەرۆانت. ونى چيپستەرگە، تاڭعى استىقتارعا، ەت ونىمدەرىنە، قۇرعاق سۋسىن قوسپالارىنا، دەسەرتتەرگە، گلازۋرلەنگەن جەمىستەرگە جانە ساعىزعا ءجيى قوسادى. بۋتيلگيدروكسيتولۋولدى قاتەرلى ىسىك ءقاۋپى مەن كوگنيتيۆتى فۋنكسيالاردىڭ ناشارلاۋىمەن بايلانىستىرادى.

كاليي بروماتى (E924)

كاليي بروماتى ناننىڭ قۇرىلىمىن جاقسارتۋ ءۇشىن قولدانىلادى. زەرتتەۋلەرگە سايكەس، بۇل قوپسىتقىش زەرتحانالىق ەگەۋقۇيرىقتاردا قاتەرلى ىسىك تۋدىرادى جانە ادامداردا بۇيرەك ماسەلەلەرىن تۋىنداتۋى مۇمكىن. كاليي بروماتى ەو، جۇڭگو، كانادا، ۇلىبريتانيا جانە ءۇندىستاندا تاعام ونىمدەرىندە قولدانۋعا تىيىم سالىنعان.