سايلاۋ-2023: كانديداتتاردىڭ اراسىندا 10 ۇلتتىڭ وكىلى بار.
ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆتىڭ ايتۋىنشا الداعى سايلاۋعا كانديداتۋراسىن ۇسىنعان ۇمىتكەرلەردىڭ ورتا جاسى 50-دەن اسپايدى، دەپ حابارلايدى اlmaty-akshamy.kz
«وزدەرىڭىز بىلەتىندەي، پارلامەنت ءماجىلىسى 98 دەپۋتاتتان تۇرادى، ونىڭ 29-ى ءبىر مانداتتى اۋماقتىق وكرۋگتەر بويىنشا سايلانادى. وڭىرلەردەن العان مالىمەتتەر بوينىشا 29 ءبىر مانداتتى وكرۋگ بويىنشا 609 كانديدات ۇسىنىلدى. ونىڭ 84ء-ىن قوعامدىق بىرلەستىكتەر مەن ساياسي پارتيالار ۇسىنسا، 525ء-ى نەمەسە 86،2%-ى ءوزىن-وزى ۇسىنعان»، - دەدى وسك ءتوراعاسىنىڭ ورىنباسارى كوميسسيانىڭ كەزەكتى وتىرىسىندا.
ونىڭ مالىمەتى بويىنشا ءبىرمانداتتى جۇيە بويىنشا كانديداتۋراسى ۇسىنىلعانداردىڭ 80%-ى ەرلەر، 20%-ى ايەل.
«ۇمىتكەرلەردىڭ ورتاشا جاسى 50-دەن تومەن. ەڭ جاس كانديدات تا، ەڭ ەرەسەك كانديدات تا الماتى قالاسىندا تۇرادى. كانديداتتاردىڭ اراسىندا 10 ۇلتتىڭ وكىلى بار»، - دەدى كونستانتين پەتروۆ.