جانداربەك مالىبەك ۇلى 1942 جىلى 24 ناۋرىزدا قىزىلوردا وبلىسى جاڭاقورعان اۋدانى ەكپىندى اۋىلىندا دۇنيەگە كەلگەن.
تاشكەنت پوليتەحنيكا ينستيتۋتىنىڭ ساۋلەت ونەرى فاكۋلتەتىن ءتامامدادى. جانداربەك مالىبەك ۇلى قازاقستاننىڭ مەملەكەتتىك رامىزدەرى جوباسىنىڭ كونكۋرسىنا 50 جاسىندا قاتىسقان. ول كەزدە ءرامىز اۆتورى وزبەكستانداعى سامارقاندتىڭ باس ساۋلەتشىسى بولعان.
1992 جىلدىڭ باسىندا قازاقستان رەسپۋبليكاسىنىڭ جاڭا مەملەكەتتىك رامىزدەرىن دايىنداۋعا بايقاۋ جاريالانعان بولاتىن. وسى بايقاۋعا كوپتەگەن تالانتتى اقىندار، سازگەرلەر، سۋرەتشىلەر مەن ساۋلەتشىلەر قاتىستى، ولاردىڭ قاتارىندا ج.مالىبەكوۆ تە بولعان.
1992 جىلعى ءساۋىر ايىنىڭ سوڭىندا ول ءوز جوباسىن قازاقستان رەسپۋبليكاسى جوعارعى كەڭەسىنىڭ كەڭسەسىنە تاپسىرادى. بايقاۋعا تۇسكەن 293 ەلتاڭبا نۇسقالارىنان جانداربەك مالىبەكوۆتىڭ جوباسى جەڭىپ شىققان.