ءليفتىنىڭ ءۇشىنشى قاباتتان ءبىرىنشى قاباتقا قۇلاعانى انىقتالدى
ەلوردادا الماتى اۋدانىندا ورنالاسقان كوپقاباتتى تۇرعىن ۇيلەردىڭ بىرىندە ليفت قۇلادى، دەپ حابارلايدى Almaty-akshamy.kz.
نۇر-سۇلتان قالالىق توتەنشە جاعدايلار دەپارتامەنتىنىڭ مالىمەتىنشە، كەشە ساعات 10:45-تە ەلوردالىق قۇتقارۋشىلار كۇيشى دينا كوشەسى بويىنداعى 31 مەكەنجايىندا ورنالاسقان تۇرعىن ۇيدە ءليفتىنىڭ قۇلاعانى تۋرالى حابارلاما بويىنشا وقيعا ورنىنا شىققان.
«قۇتقارۋشىلار كەلىپ جەتكەن كەزدە ءليفتىنىڭ ءۇشىنشى قاباتتان ءبىرىنشى قاباتقا قۇلاعانى انىقتالدى. قۇتقارۋشىلار كەلگەنگە دەيىن زارداپ شەككەن ەكى ادام ءوز بەتىنشە ليفتىدەن شىققان. زارداپ شەگۋشىلەردى مەديسينالىق قىزمەت ماماندارى تەكسەردى، جاعدايلارى قاناعاتتانارلىق»، - دەپ مالىمدەدى دەپارتامەنتتەن.