ەلوردادا رەسپۋبليكالىق جاستار فورۋمى ءوتتى

«دارىن» مەملەكەتتىك سىيلىعىنىڭ يەگەرلەرى انىقتالدى

بيىلعى جيىن قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويىنا ارنالدى. شاراعا ءتۇرلى سالادا ەڭبەك ەتىپ جۇرگەن جاس ماماندار قاتىستى، دەپ حابارلايدى Almaty-akshamy.kz 24.kz-كە سىلتەمە جاساپ.

فورۋم ەلباسى نۇر-سۇلتان نازاربايەۆتىڭ جاستارعا ارنالعان ۇندەۋىنەن باستالىپ، قاتىسۋشىلاردىڭ ەڭبەك جولىنداعى جەتىستىكتەرىن بايانداۋمەن جالعاستى. فورۋم اياسىندا ءوز ءىسىنىڭ ۇزدىگى اتانىپ، قازاقستاننىڭ اتىن الەمگە تانىتىپ جۇرگەن تالانتتى ازاماتتارعا «دارىن» مەملەكەتتىك جاستار سىيلىعى تابىستالدى. ماراپات ۇزدىك ءمۇعالىم، اكتەر، سپورتشى، ونەر يەلەرى مەن تەحنيكالىق ماماندىق يەلەرىنە بەرىلدى.

«ەكى ءتۇرلى سالانىڭ باسىن قوسۋمەن اينالىسامىز. ول ماتەماتيكالىق اناليز جانە تەوريا. ءبىز وسى سالادا مونوگرافيالىق وقۋلىق جازىپ جاتىرمىز. بۇل وقۋلىقتى مەن شەتەلدىك عىلىمي جەتەكشىم، انگليانىڭ جانە بەلگيانىڭ ۋنيۆەرسيتەتتەرىنىڭ پروفەسسورى بولىپ تابىلاتىن مايكل لۋجانسكييمەن جازىپ جاتىرمىن»، - دەدى «دارىن» مەملەكەتتىك جاستار سىيلىعىنىڭ عىلىم سالاسى بويىنشا يەگەرى نۇرعيسا ەسىركەگەنوۆ