جاڭا ساياباققا بىرنەشە قۇس ۇياسى ورناتىلماق.
قالالىق اكىمدىكتىڭ رەسمي سايتىنىڭ مالىمەتىنشە، ەلوردادا بيىل جازدا جاڭا باعىتتاعى قوعامدىق كەڭىستىك اشىلادى، دەپ حابارلايدى Almaty-akshamy.kz
«قۇستار» ساياباعى قالانىڭ تاريحي بولىگىندە – جەلتوقسان، سەيفۋللين، بەيبىتشىلىك جانە وماروۆ كوشەلەرىنىڭ ارالىعىندا – №1 قالالىق ەمحانانىڭ جانىندا ورنالاسادى.
قالا تۇرعىندارىنىڭ ءبىراز بولىگى كوگەرشىندەرگە جەم بەرۋدى ۇناتاتىنىن ەسكەرە وتىرىپ، جاڭا ساياباققا بىرنەشە قۇس ۇياسى ورناتىلماق. ەلوردانىڭ ۋربانيستيكا ورتالىعى جوبالاۋ كەزىندە جالپىقالالىق دەمالىس ايماعىن اشۋ ىسىنە باسىمدىق بەردى: قۇستارعا جەم شاشۋعا ارنالعان ورىندار، سول سياقتى كەدەرگىسى جوق تىنىش ايماق قۇرۋ.
جاڭا كەڭىستىكتىڭ كىرەبەرىس تۇستارىن گيرلياندالارمەن بەزەندىرۋ جوسپارلانىپ وتىر. الاڭنىڭ بارلىق اۋماعىندا ءار ءتۇرلى ماعىنا بەرەتىن شامدار ورناتىلادى. ال تروتۋارلاردىڭ بويىنا ءتۇرلى ورىندىقتار قويىلادى. سونداي-اق، ساياباقتىڭ ورتاسىنا گۇلزارى بار كولەڭكەلى شاتىردى ورنالاستىرۋ جوسپاردا بار. قوعامدىق كەڭىستىكتىڭ بوس تۇستارىنا اعاش وتىرعىزىلادى.