شارا ەل تاۋەلسىزدىگىنىڭ 30 جىلدىعىنا جانە «G-Global» حالىقارالىق جوباسىنىڭ 10 جىلدىعىنا ارنالعان
قارجى نارىعىن دامىتۋ، ەكونوميكا مەن ساۋدانىڭ تۇراقتى تۇردە ءوسۋىنىڭ جاڭا جولدارى، سونداي-اق الەمنىڭ مەگاپوليستەرىندەگى سمارت-جۇيەلەر مەن سيفرلىق مۇمكىندىكتەر. بۇل – «G-Global – XXI عاسىر الەمى» II حالىقارالىق كونگرەسىنىڭ دەلەگاتتارى تالقىلايتىن باستى تاقىرىپتار. سپيكەرلەردىڭ ايتۋىنشا، «اقىلدى» قالانىڭ مىسالى رەتىندە ەل استاناسى نۇر-سۇلتان قالاسىن ايتۋعا بولادى. بۇگىندە مۇندا حالىقارالىق ساراپشىلاردىڭ جوعارى باعاسىنا يە بولعان «سيفرلىق سىڭار» بىرەگەي جوباسى ىسكە اسىرىلىپ كەلەدى.
«قالانىڭ «سيفرلىق سىڭارى» قازىرگى ۋاقىتتا 100% تولىق سيفرلاندىرىلعان. «ەلورداداعى سيفرلىق سىڭار» دەگەنىمىز نە؟ بۇل – ءبىرىنشى كەزەكتە بۇكىل قالانى 3D، 2D جۇيەلەرى ارقىلى سيفرلاندىرۋ. بارلىق جەر ۋچاسكەسىن، ينجەنەرلىك جەلىنى، جول قوزعالىسى، قۇرىلىس، ساۋلەت جانە تابيعاتپەن ءوزارا قارىم-قاتىناستى قامتيدى. قازىرگى تاڭدا سيفرلىق سىڭاردا 80-نەن استام دەرەكتىڭ قاباتى بار»، - دەيدى نۇر-سۇلتان قالاسىنىڭ سيفرلاندىرۋ جانە مەملەكەتتىك قىزمەتتەر باسقارماسىنىڭ باسشىسى بوتاگوز قاسابەك.