بالانى جەرگە قاتتى سوعىلۋدان ساقتاپ قالدى
ەلوردالىق تالعات ءابدىحان ۇلى 10-قاباتتان قۇلاپ بارا جاتقان بالانى قاعىپ العان. بۇل تۋرالى Almaty- akshamy.kz قازاقپاراتقا سىلتەمە جاساپ حابارلادى.
«31 شىلدەدە ساعات 20:50-دە قۇتقارۋ قىزمەتىنە جەدەل جاردەمنەن قوڭىراۋ ءتۇستى. وندا قابانباي باتىر داڭعىلى، 42 مەكەنجايىندا ورنالاسقان ءۇيدىڭ 10-قاباتىنان بالا قۇلاعانى ايتىلعان. بيىكتەن قۇلاعان بالا 2017 جىلى تۋعان. ونى سول ۇيدە تۇراتىن 1988 جىلعى ازامات جولاي ءوتىپ بارا جاتىپ كەزدەيسوق كورىپ، دەرەۋ بالانى قاعىپ الۋعا تىرىسقان. ول وسىلايشا بالانى جەرگە قاتتى سوعىلۋدان ساقتاپ قالدى. دەگەنمەن ءبۇلدىرشىن ءقازىر №2 اۋرۋحانانىڭ جانساقتاۋ بولىمىندە اۋىر حالدە جاتىر»، – دەلىنگەن حابارلامادا.
دەپارتامەنت وكىلدەرى بالانى قۇتقارىپ قالعان تالعات ءابدىحانۇلىن ماراپاتتاۋدى ءجون كورىپ، وعان حابارلاسقان.
الايدا، ول ءبۇلدىرشىننىڭ اۋىر حالدە جاتقانىن العا تارتىپ، ماراپاتتان باس تارتىپتى.