26 جەلتوقسان كۇنى نۇر-سۇلتان قالاسىندا ورتالىق ساياباق اۋماعىندا، امفيتەاتر عيماراتى ماڭايىندا جاڭا جىل الدىنداعى كەزەكتى اقشاقار مەن اياز اتالار ۆەلوشەرۋى وتەدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ول كۇنى 13:30-دا بارلىق قالاعاندار اقشاقار مەن اياز اتا كوستيۋمىندە جاڭا جىل الدىنداعى كەزەكتى ۆەلوشەرۋگە قاتىسادى. «Velo Lady Astana» قوعامدىق بىرلەستىگى VeloTop Astana ۆەلوكلۋبىمەن بىرگە، قازاقستان ۆەلوسيپەد سپورتى فەدەراسياسىنىڭ قولداۋىمەن قالا تۇرعىندارى مەن ەلوردا قوناقتارىن جاڭا جىل قارساڭىنداعى باستى وقيعاعا شاقىرادى. وندا ءتۇرلى ماماندىقتار مەن جاس ساناتىنداعى جۇزدەگەن ادام اقشاقار مەن اياز اتانىڭ كوستيۋمىن كيىپ، ۆەلوسيپەد تەبەدى.
ۆەلوشەرۋ اياسىندا مۇمكىندىگى شەكتەۋلى جاندارعا ارنالعان تريسيكلدەگى ۆەلوجارىس، جارىس قاتىسۋشىلارىنا ارنالعان فلەشموب، بالالارعا ارنالعان ويىن-ساۋىق باعدارلاماسى وتەدى.
ۆەلوشەرۋدىڭ نەگىزگى ماقساتى – مۇمكىندىگى شەكتەۋلى جانداردى سپورتپەن اينالىسۋعا شاقىرۋ – قورشاعان ورتامەن بايلانىستى قايتا ورناتۋ، قوعاممەن بىرىگۋ ءۇشىن كەرەكتى جاعدايلار جاساۋ، قوعامدىق پايدالى شاراعا قاتىسىپ، دەنساۋلىقتى قالپىنا كەلتىرۋ.