ەلوردادا اۋىل شارۋاشىلىعى تاۋار وندىرۋشىلەرىنىڭ جارمەڭكەسى جالعاسۋدا.
بۇگىن ءوز ونىمدەرىن قىزىلوردا جانە الماتى وبلىستارى ۇسىندى، دەپ حابارلايدى Almaty-akshamy.kz قالا اكىمدىگىنىڭ رەسمي سايتىنا سىلتەمە جاساپ.
بۇگىن ءوز ونىمدەرىن قىزىلوردا جانە الماتى وبلىستارى ۇسىندى.
«قىزىلوردا وبلىسى جارمەڭكەگە 11 جانە 12 قىركۇيەكتە قاتىسادى. وبلىستان 70-تەن استام اۋىل شارۋاشىلىعى تاۋارىن ءوندىرۋشى كەلدى. 450 توننادان استام ءونىم اكەلىندى. ەلورداعا نەگىزگى ءونىمىمىز - 140 توننا كۇرىش اكەلدىك. سونداي-اق 20 توننادان استام ەت جانە باسقا دا كوپتەگەن تاۋار بار»، - دەدى قىزىلوردا وبلىستىق اۋىل شارۋاشىلىعى باسقارماسىنىڭ باسشىسى تالعات بەيسەبايەۆ.
الماتى وبلىسى اۋىل شارۋاشىلىعى باسقارماسىنىڭ باسشىسى ماقسۇت جاپاروۆ نۇر-سۇلتانداعى جارمەڭكەگە الماتى وبلىسىنىڭ 17 اۋدانى مەن 3 قالاسى قاتىسىپ جاتقانىن ايتتى.
«212 ملن تەڭگەنىڭ 462 توننا ءونىمى اكەلىندى. بارلىعى 50-گە جۋىق تاۋار ءتۇرى بار»، - دەدى ماقسۇت جاپاروۆ.
«سونداي-اق جارمەڭكەدە «بايقوڭىر» اكك ءوز سەرىكتەستەرىنىڭ ءونىمىن ۇسىندى.
«ءبىزدىڭ ەرەكشە ءونىمىمىز - ول تابيعي قاۋىن چيپسىلارى. بۇل بالالارعا بەرۋگە بولاتىن وتە پايدالى ءونىم. سونداي-اق ءبىز «جانتاق بالىن» ۇسىندىق. بۇل جانتاق شوبىنەن الىنعان بال. وزدەرىڭىز بىلەتىندەي، مۇنداي ءشوپ قىزىلوردادا وسەدى. بۇل بال العاش رەت وسىنداي ءىرى كولەمدە جارمەڭكەدە ۇسىنىلدى»، - دەپ اتاپ ءوتتى «بايقوڭىر» اكك وكىلى دينارا ەشاتوۆا.
ايتا كەتۋ كەرەك، نوسەر جاڭبىرعا قاراماستان جارمەڭكەگە جۇزدەگەن قالا تۇرعىنى مەن قوناعى كەلدى. نارىق باعاسىنان تومەن تاۋارلار - بۇل استانالىقتار ءۇشىن ءوز قورلارىن تولىقتىرۋعا جانە ءتۇرلى وبلىستىڭ ازىق-تۇلىك ءدامىن تاتۋعا تاماشا مۇمكىندىك.
«وسىنداي جارمەڭكەلەردى وتكىزىپ تۇراتىنى وتە جاقسى. كىرۋ جانە شىعۋ كەزىندە ادامدار اعىنى باقىلانادى جانە سانيتارلىق نورمالاردىڭ ساقتالۋىن قاداعالاپ وتىرادى. پاندەمياعا قاراماستان، بۇگىن وتباسىمىزبەن بىرگە قاجەتتى ازىق - تۇلىك ساتىپ الدىق»، - دەدى ەلوردا تۇرعىنى بالقاديشا.
ەستەرىڭىزگە سالا كەتەيىك، نۇر-سۇلتانداعى اپتا سايىنعى جارمەڭكە 31 قازانعا دەيىن جالعاسادى.