ەلوردا مەن كەي وبلىستارعا اۋا رايىنا بايلانىستى ەسكەرتۋ جاريالاندى

ەرىگەن قار اعىنىنىڭ سالدارىنان وزەندەردەگى سۋ دەڭگەيىنىڭ كوتەرىلۋى مۇمكىن.

نۇر-سۇلتان جانە ەلىمىزدىڭ تاعى سەگىز وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.

2 ساۋىردە تۇندە جانە تاڭەرتەڭ نۇر-سۇلتاندا تۇمان ءتۇسىپ، جولدا كوكتايعاق بولادى.

اقمولا وبلىسىنىڭ وڭتۇستىك-باتىسىندا، شىعىسىندا تۇمان تۇسەدى. تۇندە جانە تاڭەرتەڭ وبلىستىڭ سولتۇستىگىندە كوكتايعاق بولادى. وبلىستىڭ سولتۇستىگىندە، باتىسىندا وڭتۇستىك-باتىستان جەل سوعادى، ەكپىنى 15-20 م/س جەتەدى.

2 ساۋىردە سولتۇستىك قازاقستان وبلىسىنىڭ سولتۇستىگىندە كوكتايعاق بولادى. وبلىستىڭ باتىسىندا تۇمان تۇسەدى. وڭتۇستىك-باتىستان سوققان جەلدىڭ ەكپىنى 15-20 م/س جەتەدى.

2 ساۋىردە باتىس قازاقستان وبلىسىندا وڭتۇستىكتەن، وڭتۇستىك-باتىستان، سولتۇستىك-باتىستان جەل سوعادى، ەكپىنى 15-20 م/س جەتەدى.

2 ساۋىردە الماتى وبلىسىندا وڭتۇستىك-شىعىستان جەل سوعادى، الاكول اۋدانىندا - 17-22 م/س.

2 ساۋىردە اقتوبە وبلىسىنىڭ وڭتۇستىك-شىعىسىندا تۇمان تۇسەدى. وڭتۇستىك، وڭتۇستىك-باتىستان جەل سوعادى، كۇندىز سولتۇستىك-باتىستا، وڭتۇستىكتە ەكپىنى 16 م/س جەتەدى.

2 ساۋىردە قوستاناي وبلىسىنىڭ سولتۇستىگىندە تۇمان ءتۇسىپ، كوكتايعاق بولادى. وڭتۇستىك-باتىستان جەل سوعادى، وبلىستىڭ سولتۇستىگىندە جىلدامدىعى 15-20 م/س جەتەدى.

قوستانايدا 2 ساۋىردە وڭتۇستىك-باتىستان جەل سوعادى، كۇندىز ەكپىنى 15-20 م/س جەتەدى.

كۇندىز 2 ساۋىردە باتىستا، وڭتۇستىكتە جانە ماڭعىستاۋ وبلىسىنىڭ ورتالىعىندا شاڭدى داۋىل بولجانادى. وڭتۇستىك-شىعىستان جەل سوعادى، وبلىستىڭ باتىسى مەن وڭتۇستىگىندە جانە ورتالىعىندا ەكپىنى 15-20 م/س جەتەدى. اقتاۋدا 2 ءساۋىر كۇنى كۇندىز شاڭدى داۋىل تۇرادى.

سونداي-اق، سينوپتيكتەردىڭ بولجامىنشا، 2022 جىلدىڭ 2-6 ءساۋىر ارالىعىندا باتىس قازاقستان، اقتوبە، قوستاناي، قاراعاندى جانە سولتۇستىك قازاقستان وبلىستارىنىڭ وزەن باسسەيندەرىندە وڭ اۋا تەمپەراتۋراسىنىڭ ساقتالۋى مەن ودان ءارى ارتۋىنىڭ بولجامىنا بايلانىستى قارقىندى قار ەرۋى، ەرىگەن قار اعىنىنىڭ سالدارىنان وزەندەردەگى سۋ دەڭگەيىنىڭ كوتەرىلۋى مۇمكىن.