ەلوردا كۇنىنە ارنالعان ءىس-شارالار قىزىقتى بولماق
21-29 ماۋسىم ارالىعىندا ەل تاۋەلسىزدىگىنىڭ 30 جىلدىعى مەن استانا كۇنىنە وراي «ەلوردا – ونەر ولكەسى» اتتى تەاترلاردىڭ العاشقى حالىقارالىق شىعارماشىلىق كەزدەسۋى وتەدى، دەپ حابارلادى Almaty-akshamy.kz مادەنيەت جانە سپورت مينيسترلىگىنىڭ حابارىنا سىلتەمە جاساپ.
فەستيۆالگە ەلىمىزبەن قاتار، وزبەكستان مەن قىرعىز رەسپۋبليكاسىنىڭ ونەر وشاقتارى قاتىسىپ جاتىر. كەزدەسۋ باعدارلاماسىندا سپەكتاكلدەر كورسەتىلىمى، پرەمەرالار، رەجيسسۋرا، ساحنالىق سويلەۋ، اكتەرلىك شەبەرلىك، ءان ايتۋ، بي جانە ت. ب. باعىتتار بويىنشا تەاتر ونەرىنىڭ جەتەكشى قايراتكەرلەرىنىڭ ماستەر-كلاسى بار. ءىس-شاراعا وڭىرلىك تەاترلاردىڭ باسشىلارى، ديپلوماتيالىق كورپۋس، قازاقستان حالقى اسسامبلەياسىنىڭ مۇشەلەرى جانە ت.ب. شاقىرىلدى.
ءبىزدىڭ انىقتاما: ءىس-شاراعا ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترى، ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى، م.گوركيي اتىنداعى مەملەكەتتىك اكادەميالىق ورىس دراما تەاترى، قازاقستان رەسپۋبليكاسىنىڭ ۇلتتىق ۇلان ءان-بي ءانسامبلى، نۇر-سۇلتان قالاسى اكىمدىگىنىڭ جاستار تەاترى، Astana Musical مەملەكەتتىك تەاترى جانە ءا.مامبەتوۆ اتىنداعى مەملەكەتتىك دراما جانە كومەديا تەاترى، وزبەكستان رەسپۋبليكاسى وزبەك ۇلتتىق اكادەميالىق دراما تەاترى مەن قىرعىز رەسپۋبليكاسى ب.قىدىكەيەۆا اتىنداعى قىرعىز مەملەكەتتىك جاستار تەاترىنىڭ ارتىستەرى قاتىسادى. وتەتىن ورنى: ق.قۋانىشبايەۆ اتىنداعى قازاق مۋزىكالىق-دراما تەاترى، «قازاقستان» ورتالىق كونسەرت زالى، NOMAD City Hall (ەكسپو ورتالىعى)، م. گوركيي اتىنداعى مەملەكەتتىك اكادەميالىق ورىس دراما تەاترى، نۇر-سۇلتان قالاسىنىڭ جاس كورەرمەننىڭ مۋزىكالىق تەاترى.
نەگىزگى ءىس-شارانىڭ ءبىرى 4 شىلدەدە ساعات 11:00-دە جانە ساعات 21:00-دە ۇلتتىق دومبىرا كۇنىنە ارنالعان «قازاقستان» تەلەارناسىنداعى ونلاين كورسەتىلىم «ەكسپو» حالىقارالىق كورمە ورتالىعىندا وتەدى.
ال 2-3 شىلدە ارالىعىندا «استانا بالەت» تەاترىنىڭ ساحناسىندا رەسەي فەدەراسياسىنىڭ ەڭبەك سىڭىرگەن ونەر قايراتكەرى گەورگيي كوۆتۋننىڭ «قوزى كورپەش – بايان سۇلۋ» پوەما-بالەتىنىڭ پرەمەراسى وتەدى.
سونىمەن قاتار، 4 شىلدە ساعات 18:00-دە «استانا وپەرا» مەملەكەتتىك وپەرا جانە بالەت تەاترىنىڭ ساحناسىندا Astana Opera حالىقارالىق وپەرا اكادەمياسىنىڭ تۇساۋكەسەرى مەن سالتاناتتى اشىلۋى وتەدى. اشىلۋ سالتاناتىندا يتالياندىق وپەرا انشىلەرى ماتتيا روسسي، فرانچەسكو مەللي، موڭعوليالىق وپەرا ءانشىسى بادرال چۋلۋۋنبااتار، قىرعىز وپەرا ءانشىسى سايان يسين، «استانا وپەرا» تەاترىنىڭ جەتەكشى سوليستەرى ونەر كورسەتەدى.
سونداي-اق 6 شىلدەدە امفيتەاتردا «استانا وپەرا» سوليستەرى مەن كامەرالىق وركەستردىڭ قاتىسۋىمەن گالا-كونسەرت وتەدى.