امۋر جولبارىسىنىڭ قازاقستاندا بەيىمدەلۋىنە مۇمكىندىك بار.
رەسەيلىك ماماندار قازاقستاندا امۋر جولبارىسى پوپۋلياسياسىن قالپىنا كەلتىرۋ جوباسى اياسىندا ءبىرىنشى كەزەڭدە رەسەيدەن ءتورت جىرتقىشتى جابايى تابيعاتقا جىبەرۋدى جوسپارلاپ وتىر، دەپ حابارلايدى Almaty-akshamy.kz
«امۋر جولبارىستارى» ورتالىعىنىڭ باس ديرەكتورى سەرگەي اراميليەۆتىڭ ايتۋىنشا، بۇل ءۇشىن وڭالتۋ ورتالىعىندا وسكەن الاندار الىنادى.
«ازىرشە وڭالتۋ ورتالىقتارىنا تۇسەتىن جولبارىستار جەتكىلىكتى بولادى دەپ ەسەپتەيمىز. ەگەر ستاتيستيكا مۇنداي بولماسا، جولبارىستاردى جابايى تابيعاتتا ۇستاۋعا تۋرا كەلەدى»، - دەدى اراميليەۆ.
ول امۋر جولبارىسىنىڭ قازاقستاندا بەيىمدەلۋىنە مۇمكىندىك بار ەكەنىن ايتتى. قازىرگى ۋاقىتتا وسى جىرتقىشتار توبى قالپىنا كەلتىرىلىپ جاتقان امۋر وبلىسىندا بۇل ءتۇر حح عاسىردىڭ باسىنان بەرى تىرشىلىك ەتپەگەن.
«ءتۇرلى جىنىستى ءتورت جولبارىستى جىبەرگەن ءجون. جانۋارلاردىڭ مىنەز-قۇلقى ءارتۇرلى بولادى. ەگەر ءبىز ەركەك پەن ۇرعاشى جۇپتى بوستاندىققا جىبەرسەك، ال ۇرعاشى جولبارىس «ساياحاتتاپ»، يرانعا، يراننان تۇركياعا اتتانسا، وندا ول جۇپ بەيىمدەلە المادى دەگەن تۇجىرىم جاسالادى دا، ءبىز جوبانى اياقتايمىز. بۇل جانۋارلاردىڭ جەكە ەرەكشەلىگى بولۋى مۇمكىن. ال ەكىنشى، ءۇشىنشى، ءتورتىنشى، بەسىنشى - بوساتىلعان ۇرعاشى جولبارىستار ەشقايدا كەتپەيدى، ولار سول جەردە قالادى. سوندىقتان ءتورت جىرتقىشتى جىبەرۋ وڭتايلى بولادى. ءبىراق مۇنىڭ ءبارى سول ساتتە سول ايماقتا بولاتىن جولبارىستارعا بايلانىستى بولادى»، - دەدى اراميليەۆ.
ەسكە سالساق، قازاقستان مەن رەسەي رەسپۋبليكا اۋماعىنا جولبارىستى رەينترودۋكسيالاۋ تۋرالى كەلىسىمگە قول قويدى. جىرتقىشتاردىڭ ءبىر بولىگى پريمورە اۋماعىنان جەتكىزىلۋى مۇمكىن. رەسەي پرەزيدەنتى ۆلاديمير پۋتين قازاقستان رەسەيلىك تاجىريبەنىڭ كومەگىمەن 2025 جىلى جولبارىستاردى ورتالىق ازياعا قايتارا الاتىنىن ايتتى.