سوڭعى ەكى جىلدا قازاقستانعا جالعان دارى-دارمەكتەردى اكەلۋ بويىنشا 700-گە جۋىق بۇزۋشىلىق فاكتىسى تىركەلدى.
بۇل تۋرالى دەنساۋلىق ساقتاۋ ءمينيسترى اجار عينيات بريفينگتە ايتتى، - دەپ حابارلايدى Almaty-akshamy.kz.
«دارىلىك زاتتاردىڭ زاڭسىز اينالىمىن باقىلاۋ شەڭبەرىندە ۇنەمى مونيتورينگ جۇرگىزىلەدى. سوڭعى ەكى جىلدا 700-گە جۋىق بۇزۋشىلىق فاكتىسى ورىن الىپ، دارى-دارمەكتەردى زاڭسىز ساتقانى ءۇشىن 80 ملن تەڭگەدەن استام ايىپپۇل سالىندى. ءقازىر ەكى قىلمىستىق ءىس تەرگەلۋدە»، - دەدى اجار عينيات.
ونىڭ ايتۋىنشا، ازاماتتار تاراپىنان جالعان دارى-دارمەك ساتىپ الۋ تۋرالى وتىنىشتەر تۇسكەن جوق.
«ءبىز بارلىق وتىنىشتەردى نەمەسە مەديسينالىق ۇيىمدارعا كىرەتىن پاسيەنتتەرىمىزدىڭ «سارى كارتالارىن» قاداعالايمىز. زاڭ بويىنشا مۇنداي دارىلىك پرەپاراتتاردىڭ ساپاسى مەن قاۋىپسىزدىگىنە تولىق تەكسەرۋ جۇرگىزىلىپ جاتىر»، - دەپ قوستى مينيستر.
بۇدان بۇرىن حابارلانعانداي، دەنساۋلىق ساقتاۋ مينيسترلىگى 2022 جىلعى 30 مامىردا دارىلىك زاتتاردى تاڭبالاۋ ەرەجەسىنە وزگەرىستەردى ەنگىزگەن، ءبىراق ول 6 تامىزدان باستاپ قولدانىسقا ەنگىزىلەدى.