ەلىمىزگە ەڭ كوپ ەڭبەك ميگرانتى قاي ەلدەن كەلەدى

بىلتىر زاڭسىز جۇرگەن  8 مىڭعا جۋىق شەتەلدىك ەلدەن كەتكەن

2024 جىلى 22 ناۋرىزدا  ماسكەۋدەگى «كروكۋس سيتي حولل» عيماراتىندا تەرراكت بولىپ، كەمى 145 ادام قازا تاپتى، 551 ادام جاراقات الدى. رەسەي بيلىگى لاڭكەستىك شابۋىلدى ۇيىمداستىردى دەپ تاجىكستان ازاماتتارىن قاماۋعا الدى. وسىدان كەيىن ورتا ازياداعى ەڭبەك ميگرانتتارى ماسەلەسى بۇرىنعىدان وزەكتەنە ءتۇستى. Azattyq Ruhy ءتىلشىسى قازاقستانداعى ەڭبەك ميگرانتتارىنىڭ سانى، ولاردىڭ جۇمىس ىستەيتىن سالالارى تۋرالى اقپارات الۋ ءۇشىن ق ر كوشى-قون پوليسياسىنا سۇراۋ جولدادى، دەپ حابارلايدى اlmaty-akshamy.kz. 

قۇزىرەتتى ورگاننىڭ مالىمەتىنە سۇيەنسەك، بىلتىر قازاقستاندا زاڭسىز جۇرگەن 73،4 مىڭ ميگرانت اكىمشىلىك جاۋاپكەرشىلىككە تارتىلعان، ونىڭ ىشىندە 7،7 مىڭ ادام ەلدەن شىعارىلعان.

قازاقستانعا كەلەتىن ەڭبەك ميگرانتتارى قاي سالادا كوپ جۇمىس ىستەيدى؟

قازاقستاندا 2023 جىلى كوممەرسيالىق سەكتوردا ەڭبەك ەتۋ ءۇشىن شەتەلدىك جۇمىس كۇشىن تارتۋعا 14 588 رۇقسات بەرىلگەن ەكەن. ەلىمىزدە جۇمىس ىستەۋگە كەتەلەتىندەر قاتارىندا جۇڭگو ازاماتتارى كوش باستاپ تۇر: 

- جۇڭگو – 4 161 ادام؛

- ءۇندىستانن – 1 253 ادام؛

- تۇركيا  – 1 206 ادام؛

- وزبەكستان – 784 ادام.

ولاردىڭ كوبى قۇرىلىس، اۋىل شارۋاشىلىعى، وڭدەۋ ونەركاسىبىندە ەڭبەك ەتكەن. اتاپ ايتقاندا:

- قۇرىلىستا – 3 544 ادام؛

- اۋىل، ورمان جانە بالىق شارۋاشىلىعىندا – 1 661 ادام؛

- وڭدەۋ ونەركاسىبىندا – 1 387 ادام؛

- تاۋ-كەن ونەركاسىبى جانە كارەرلەردى قازۋ – 1 298 ادام؛

- كاسىبي، عىلىمي جانە تەحنيكالىق قىزمەتتە – 801 ادام تاعى باسقا سالالاردا قىزمەت جاساعان.

قازاقستاندا 300 مىڭعا جۋىق ميگرانت ءۇي شارۋاشىلىعىندا جۇمىس ىستەيدى

2023 جىلى ەلىمىزگە  ءۇي شارۋاشىلىعىندا جۇمىس ىستەۋ ءۇشىن 295 261 ادام كەلگەن. سونىڭ ىشىندە،

- وزبەكستاننان – 278 894 ادام؛

- تاجىكستاننان – 13 334 ادام؛

- ءازىربايجاننانا  – 3 014 ادام؛

- گرۋزيا – 16 ادام؛

- ۋكراينا – 2 ادام؛

- مولدوۆا – 1 ادام كەلگەن.

ميگراسيالىق پوليسيا 309 849 شەتەلدىك قازاقستانعا كەلىپ، بەرىلگەن رۇقساتقا سايكەس ەڭبەك ەتكەنىن، ولاردىڭ ەشقايسىسى جۇمىسسىز قالماعانىن ەسكە سالدى.

ءىىم «قارا نارىقتى» قالاي باقىلاپ وتىر؟

سۇراۋحاتىمىزعا جاۋاپ بەرگەن ىشكى ىستەر مينيسترلىگى مۇددەلى مەملەكەتتىك ورگاندارمەن بىرلەسىپ «قارا نارىقتاعى» ەڭبەك ميگرانتتارىن باقىلاۋدى ىسكە اسىرۋ ءۇشىن ءتيىستى شارالار قابىلدايتىنىن اتاپ وتكەن. 

«پوليسيا دەپارتامەنتتەرى زاڭسىز جۇرگەن شەتەلدىكتەردى انىقتاۋ ءۇشىن جۇمىستى كۇشەيتىپ، سونداي-اق شەتەلدىك ازاماتتار مىنگەن كولىك قۇرالدارىن، ونىڭ ىشىندە ءىرى اۆتوموبيل جولدارىنداعى اۆتوبۋستاردى تەكسەرەدى.  بۇل رەتتە، «حالىقتىڭ كوشى-قونى تۋرالى» ق ر زاڭىنىڭ 60-بابىنا سايكەس قابىلداۋشى تۇلعالاردىڭ ەسەبىنەن زاڭسىز يمميگرانتتاردى ەلدەن شىعارۋ تەتىگى قولدانىلادى»، - دەدى كوشى-قون پوليسياسىنان.

جۇمىس بەرۋشىلەر ەڭبەك ميگرانتىن قابىلداۋدا قانداي تالاپتاردى ەستە ساقتاعانى ءجون؟

قازاقستانداعى جۇمىس بەرۋشىلەر شەتەلدىك ازاماتتاردى جۇمىسقا قابىلداعان كەزدە، ەڭبەك جانە كوشى-قون زاڭناماسىنىڭ تالاپتارىن، سونىڭ ىشىندە:

- شەتەلدىك قىزمەتكەرلەردى تارتۋعا رۇقسات الۋ؛

- ەڭبەك شارتىن جاساسۋ؛

- كادرلاردا جەرگىلىكتى قامتۋدى ساقتاۋ؛

- شەتەلدىك جۇمىسكەرلەر ءۇشىن جتس تولەۋ؛

- جالاقىنى ۋاقتىلى تولەۋ جانە باسقا دا مىندەتتەرىن.ساقتاۋى ءتيىس. ايتپەسە، ايىپپۇل ارقالايدى. 

«شەتەلدىك ادامدى تاكسي جۇرگىزۋشىسى رەتىندە جۇمىسقا ورنالاستىرۋ ءۇشىن قازاقستان رەسپۋبليكاسىنىڭ كوشى-قون زاڭناماسىنا سايكەس جەرگىلىكتى اتقارۋشى ورگاننان ءتيىستى رۇقسات الۋ قاجەت. جۇرگىزۋشى كۋالىگىنىڭ بولۋىن باقىلاۋدى جۇمىس بەرۋشىلەر مەن ىشكى ىستەر ورگاندارى جۇزەگە اسىرادى. بۇل رەتتە تۇراقتى نەمەسە ۋاقىتشا تۇرۋعا رۇقساتتى قازاقستان رەسپۋبليكاسىنىڭ زاڭناماسىندا بەلگىلەنگەن تالاپتار ساقتالعان كەزدە ىشكى ىستەر ورگاندارى بەرەدى»، - دەلىنگەن كوشى-قون پوليسياسىنىڭ حابارلاماسىندا.