وزگەرىستەر ۇلتتىق ەكونوميكا مينيسترلىگى جارلىعىنىڭ جوباسىندا كورسەتىلگەن.
قازاقستاننىڭ كەم دەگەندە ءۇش قالاسى اۋىل ساناتىنا قوسىلۋى مۇمكىن، دەپ حابارلايدى Almaty-akshamy.kz
جارلىققا سايكەس، حالىقتىڭ سانى 10 مىڭ ادامنان از، قازاقستاننىڭ اكىمشىلىك-اۋماقتىق زاڭناماسىنىڭ تالاپتارىنا سايكەس كەلمەيتىن قالالار بىرتىندەپ اۋىل مارتەبەسىنە اۋىساتىن بولادى. بۇل وزگەرىستەر كەلەسى ەلدى مەكەندەرگە قاتىستى:
ستەپنياك – اقمولا وبلىسى ءبىرجان سال اۋدانىنىڭ اكىمشىلىك ورتالىعى. قالانىڭ تۇراقتى تۇرعىندارىنىڭ سانى – 3800 ادام.
تەمىر – اقتوبە وبلىسى تەمىر اۋدانىنداعى قالا. مۇندا 2100 ادام تۇرادى.
جەم – اقتوبە وبلىسى مۇعالجار اۋدانىنداعى قالا، حالقى – 1500 ادام.
سونىمەن قاتار جارلىقتا حالقى كوپ اۋىلداردىڭ مارتەبەسىن قايتا قاراۋ قاراستىرىلعان. قازىرگى ۋاقىتتا ەلدە بۇل مارتەبەگە سايكەس كەلمەيتىن 17 ءىرى اۋىل بار.
قۇجات “اشىق نقا” پورتالىندا جاريالاندى، 26 قىركۇيەككە دەيىن تالقىلانباق.