ەلىمىزدىڭ ءتورت وڭىرىندەگى كۇرە جولدار جابىلدى

جول قىزمەتتەرى كۇشەيتىلگەن رەجيمدە جۇمىس اتقارۋدا.

اقمولا، اقتوبە، قوستاناي جانە قىزىلوردا وبلىستارىندا بوران مەن قالىڭ قار سالدارىنان تاسجولداعى كورىنۋ ناشارلاپ، ءبىرقاتار جول ۋچاسكەسىندە قوزعالىسقا شەكتەۋ ەنگىزىلدى، دەپ حابارلايدى اlmaty-akshamy.kz «قازاۆتوجول» مەكەمەسىنىڭ باسپا ءسوز قىزمەتىنە سىلتەمە جاساپ.

جول قىزمەتتەرى بارلىق ۋچاسكەلەردە كۇشەيتىلگەن رەجيمدە جۇمىس اتقارۋدا.

اۆتوكولىكتىڭ بارلىق ءتۇرى ءۇشىن كۇرە جولداردىڭ كەلەسى ۋچاسكەلەرى جابىق تۇر:

اقمولا وبلىسىندا قوزعالىس «قوستاناي-اۋليەكول-سۋرعان» تاسجولىنىڭ قوستاناي وبلىسىنىڭ شەكاراسىنان سۋرعان كەنتىنە دەيىن شەكتەلدى.

اقتوبە وبلىسىندا «سامارا-شىمكەنت» كۇرە جولىنىڭ بەلوگوركا كەنتىنەن قىزىلوردا وبلىسىنىڭ شەكاراسىنا دەيىنگى ارالىعى جابىلدى. سونداي-اق، «قارابۇتاق-كومسومول-دەنيسوۆكا-رۋدنىي-قوستاناي» تراسساسىنىڭ قارابۇتاق كەنتىنەن قوستاناي وبلىسىنىڭ شەكاراسىنا دەيىنگى ارالىعى جابىق تۇر.

قوستاناي وبلىسىندا «قارابۇتاق-كومسومول-دەنيسوۆكا-رۋدنىي-قوستاناي»؛ «دەنيسوۆكا-جەتىقارا-مىقتىكول»؛ «قوستاناي-اۋليەكول-سۋرعان» تاسجولدارىنىڭ ۋچاسكەلەرى جابىلدى.

قىزىلوردا وبلىسىندا «سامارا-شىمكەنت» اۆتوجولىنىڭ اقتوبە وبلىسىنان ارال قالاسىنا دەيىنگى ارالىعىندا قوزعالىسقا شەكتەۋ ەنگىزىلدى.

كۇرە جولدا شتاتتان تىس جاعداي تۋىنداسا نەمەسە تاسجولدارداعى احۋال تۋرالى قوسىمشا اقپارات الۋ ءۇشىن 1403 قىسقا نومىرىنە قوڭىراۋ شالۋ قاجەت!