24 اقپاننان باستاپ شىعىس قازاقستان وبلىسىنىڭ مارقاكول جانە ۇلكەن نارىن اۋداندارىندا جۇمىس كەستەسى رەسمي تۇردە وزگەرتىلدى.
ۋاقىت بەلدەۋىنىڭ وزگەرۋىنە بايلانىستى تۇرعىندار تابيعي جاعدايلارعا بەيىمدەلۋدە، دەپ حابارلايدى aqshamnews.kz.
ەندى اۋىل تۇرعىندارى جۇمىس كۇنىن تاڭعى 8:00-دە باستاپ، 17:30-دا اياقتايدى (تۇسكى ءۇزىلىس 12:00-13:30 ارالىعىندا).
اكىمدىك وكىلدەرىنىڭ ايتۋىنشا، بۇل وزگەرىستەر كۇننىڭ شىعۋى مەن باتۋ ەرەكشەلىكتەرىنە بايلانىستى قابىلداندى، وسىلايشا ادامدار «جارىق ۋاقىتىن ءتيىمدى پايدالانا» الادى.
«شەشىم حالىقپەن تالقىلاۋدان كەيىن قابىلداندى. سونىمەن قاتار، باستامانى وڭىرلىك باسقارما باسشىلارىنان قۇرالعان ءموبيلدى توپتىڭ ماماندارى باعالادى»، – دەپ ءتۇسىندىردى شقو وڭىرلىك كوممۋنيكاسيالار قىزمەتى.
قاڭتار ايىندا وسىنداي جۇمىس رەجيمى كاتونقاراعاي اۋدانىندا ەنگىزىلگەن بولاتىن، ەندى وعان جاڭا اۋماقتار قوسىلدى.
جالپى العاندا، جاڭا كەستەگە 40 مەكەمە كوشتى.