الداعى تاۋلىكتەردە قازاقستان اۋماعىنىڭ باسىم بولىگىندە كۇن كۇركىرەپ، بۇرشاق جاۋىپ، جەل سوعادى.
سينوپتيكتەر الداعى كۇندەرگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz
"5 شىلدەدە سولتۇستىك-باتىستا، 5-6 شىلدەدە سولتۇستىكتە، ورتالىقتا جانە وڭتۇستىك-شىعىستا، 4-6 شىلدەدە ەلدىڭ شىعىسىندا قاتتى جاڭبىر جاۋادى. تەك رەسپۋبليكانىڭ باتىسى مەن وڭتۇستىك-باتىسىندا اۋا رايى نەگىزىنەن جاۋىن-شاشىنسىز بولادى دەپ كۇتىلىپ وتىر"، - دەپ جازىلعان حابارلامادا.
سونداي-اق، ەلدىڭ باتىسىندا كۇندىز +33+43 گرادۋسقا دەيىن قاتتى ىستىق بولادى.