بۇل سۇراققا بۇگىن وتكەن ق ر اۋماعىندا كوروناۆيرۋس ينفەكسيانىڭ تارالۋىنا جول بەرمەۋ جونىندەگى ۆاك وتىرىسىندا جاۋاپ بەرىلدى.
ق ر پرەمەر-مينيسترىنىڭ ورىنباسارى ەرالى توعجانوۆ نۇر-سۇلتان، الماتى، شىمكەنت، اتىراۋ، قاراعاندى قالالارىندا كارانتين شارالارىن كۇشەيتۋ تۋرالى شەشىم قابىلدادى، دەپ حابارلايدى Almaty-akshamy.kz
رrimeminister.kz سايتىنىڭ مالىمەتىنشە، ۆيسە-پرەمەر دەنساۋلىق ساقتاۋ ءمينيسترى مەن نۇر-سۇلتان، الماتى، شىمكەنت قالالارى، قاراعاندى، اتىراۋ وبلىستارى باسشىلىعىنىڭ وڭىرلەردەگى ەپيدەميولوگيالىق جاعداي تۋرالى ەسەبىن تىڭداپ، مەديسينالىق ۇيىمدار مەن حالىقتى قاجەتتى دارىلىك زاتتارمەن جانە مەديسينالىق بۇيىمدارمەن تولىققاندى جانە ۇزدىكسىز قامتاماسىز ەتۋ بويىنشا شارالار قابىلداۋدى تاپسىردى.
ۆەدومستۆوارالىق كوميسسيا ەلدەگى تاۋلىكتىك سىرقاتتانۋشىلىقتىڭ 65%-ىن جانە تاۋلىكتىك ءولىم-جىتىم جاعدايلارىنىڭ 55%-ىن قۇرايتىن نۇر-سۇلتان، الماتى، شىمكەنت، اتىراۋ، قاراعاندى قالالارىندا كارانتين شارالارىن كۇشەيتۋ تۋرالى شەشىم قابىلدادى.
بۇل وڭىرلەردە بيىلعى جىلدىڭ 2 تامىزىنان باستاپ مىناداي شەكتەۋ شارالارى كۇشىنە ەنەدى: ورتالىق مەملەكەتتىك ورگانداردى، اكىمدىكتەردى، قۇقىق قورعاۋ ورگاندارىن، دەنساۋلىق ساقتاۋ ۇيىمدارىن، باق-تى، ازىق-تۇلىك دۇكەندەرىن، ءدارىحانالاردى جانە تىرشىلىكتى قامتاماسىز ەتۋ ۇيىمدارىن قوسپاعاندا، Ashyq جوباسىنا قاتىسپايتىن بارلىق كاسىپورىندار مەن ۇيىمداردىڭ قىزمەتىن توقتاتا تۇرۋ؛ ويىن-ساۋىق، سپورتتىق، وتباسىلىق، ەستەلىك جانە وزگە دە بۇقارالىق ءىس-شارالاردى وتكىزۋگە تىيىم سالۋ؛ مەملەكەتتىك ورگاندار، كەڭسەلەر، ۇلتتىق كومپانيالار مەن وزگە دە ۇيىمدار قىزمەتكەرلەرىنىڭ 80%-ىن قاشىقتان جۇمىس ىستەۋگە اۋىستىرۋ (ۆاكسينا سالدىرعانداردى جانە سوڭعى 3 اي ىشىندە اۋىرىپ جازىلعانداردى قوسپاعاندا).
سونداي-اق، اقمولا، الماتى، قاراعاندى وبلىستارىنىڭ اكىمدىكتەرىنە نۇر-سۇلتان (بۋراباي، سەلينوگراد، ارشالى اۋداندارى)، الماتى (قاراساي، تالعار، ىلە، ەڭبەكشىقازاق اۋداندارى)، شىمكەنت قالالارىمەن (سايرام، تولەبي اۋداندارى)، قاراعاندىمەن (تەمىرتاۋ، شاحتينسك، اباي) شەكارالاس اۋداندارىندا كارانتين شارالارىن كۇشەيتۋ بويىنشا شارالار قابىلداۋ ۇسىنىلدى.