ەلىمىزدىڭ مەرەكەلىك كۇندەر تىزبەسىن ەلەكتروندىق كوممەرسيا كۇنى تولىقتىرۋى مۇمكىن

ق ر ساۋدا جانە ينتەگراسيا مينيسترلىگى قازاقستان رەسپۋبليكاسىنداعى مەرەكەلىك كۇندەر تىزىمىنە قوسىمشا ازىرلەدى.

اتاپ ايتقاندا، مەرەكەلىك كۇندەر تىزبەسىن 20 تامىز - ەلەكتروندىق كوممەرسيا كۇنى ەتىپ تولىقتىرۋ جوسپارلانۋدا، دەپ حابارلايدى Almaty-akshamy.kz Egemen.kz-كە سىلتەمە جاساپ.

«جوبانى قابىلداۋ قازاقستاندا ەلەكتروندىق كوممەرسيانىڭ اعىمداعى جاعدايى مەن دامۋىنا ارنالعان ءىس-شارالاردى جىل سايىن وتكىزۋگە، ەلەكتروندىق كوممەرسيا كۇنى اياسىندا ەلەكتروندىق كوممەرسيا سالاسىنىڭ ۇزدىك جوبالارىن ماراپاتتاۋعا مۇمكىندىك بەرەدى»، - دەلىنگەن تۇسىندىرمە جازبادا.

بۇدان باسقا، حالىق اراسىندا ەلەكتروندىق كوممەرسيانى تانىمال ەتۋ جانە ونلاين-ساتىپ الۋدى جۇزەگە اسىرۋدى ىنتالاندىرۋ جونىندەگى ءىس-شارالاردى وتكىزۋ جوسپارلانۋدا.

ونىڭ ىشىندە ەلەكتروندى ساۋدا الاڭدارى مەن ينتەرنەت-دۇكەندەر اراسىندا كەڭسە تاۋارلارى مەن مەكتەپ كەرەك-جاراقتارىن جەڭىلدىكپەن ساتۋ بويىنشا اكسيالار مەن ونلاين جارمەڭكەلەر ۇيىمداستىرۋ، بۇل ءبىرىنشى كەزەكتە اتا-انالارعا (ونىڭ ىشىندە حالىقتىڭ الەۋمەتتىك جاعىنان وسال توپتارىنا) بالالاردى جاڭا وقۋ جىلىنا تومەندەتىلگەن باعامەن دايىنداۋعا مۇمكىندىك بەرەدى.

ءيسم-نىڭ پىكىرىنشە، وسىنىڭ بارلىعى ەلەكتروندىق كوممەرسيانىڭ دامۋىنا ايتارلىقتاي سەرپىن بەرەدى، ناتيجەسىندە بۇل ستراتەگيالىق كورسەتكىشكە قول جەتكىزۋگە اكەلەدى.