گالستۋك ەندى مىندەتتى ەلەمەنت ەمەس.
ءبىلىم ءمينيسترىنىڭ 2022 جىلعى 30 جەلتوقسانداعى بۇيرىعىمەن ورتا ءبىلىم بەرۋ ۇيىمدارىنىڭ مەكتەپ فورماسىنا قويىلاتىن تالاپتارعا وزگەرىستەر ەنگىزىلدى، دەپ حابارلايدى Almaty-akshamy.kz
سونىمەن، قىزدارعا دا، ۇلدارعا دا مەكتەپ فورماسىنىڭ ەلەمەنتتەرىنە تۇيمەلەرى نەمەسە ىسىرماسى بار توقىلعان جەمپىر / كارديگان، پولو جەيدە نەمەسە فۋتبولكا قوسىلادى.
ۇلدارعا ارنالعان مەكتەپ فورماسىنا مىنالار كىرەدى:
پيدجاك، جەڭسىز، شالبار، كويلەك، كۇندەلىكتى جەيدە نەمەسە تۇيمەلەرى الدە ىسىرماسى بار توقىلعان كۋرتكا/كارديگان، پولو جەيدە نەمەسە فۋتبولكا (قىسقى كەزەڭ: توقىلعان جەڭسىز). ەر بالالارعا ارنالعان شالبار، ۇزىن جانە اياقتىڭ توبىعىن جابادى.
قىزدارعا ارنالعان مەكتەپ فورماسىنا مىنالار كىرەدى:
پيدجاك، جەڭسىز، بەلدەمشە، شالبار، كلاسسيكالىق بلۋزكا نەمەسە تۇيمەلەرى الدە ىسىرماسى بار توقىلعان كۋرتكا/كارديگان، پولو جەيدە نەمەسە فۋتبولكا (قىستا: توقىلعان جەڭسىز، سارافان). قىزدارعا ارنالعان شالبار اياقتىڭ توبىعىن جاۋىپ تۇرۋى شارت.
سونىمەن بىرگە، كيىم ۇلگىسىنە (ۇلدارعا اق كويلەك، قىزدارعا اق بلۋزكا) قويىلاتىن تالاپ الىنىپ تاستالدى.
سونداي-اق، گالستۋك ەندى مىندەتتى ەلەمەنت ەمەس.
مەكتەپ فورماسىنا ەرەكشە بەلگىلەردى: ەمبلەمانى، پاچتى، شيەۆروندى جانە باسقا دا ورتا ءبىلىم بەرۋ ۇيىمدارىنىڭ اتاۋلارىن ورنالاستىرۋعا رۇقسات ەتىلەدى.
مەكتەپ فورماسىنا ارنالعان ماتالار رەتىندە توزۋ توزىمدىلىگى جوعارى، باكتەرياعا قارسى، ميكروبقا قارسى جانە انتيستاتيكالىق قاسيەتتەرى بار جارتىلاي ءجۇن جانە ماقتا ماتالاردى قولدانعان ءجون. بۇرىن بۇل مىندەتتى تالاپ بولاتىن.
مەكتەپ فورماسى ماسەلەلەرىن تالقىلاۋعا بالالاردىڭ اتا-انالارى مەن باسقا دا زاڭدى وكىلدەرى، مەكتەپتىڭ ءوزىن-وزى باسقارۋ مۇشەلەرى، قامقورشىلىق كەڭەسى جانە اتا-انالار كوميتەتى قاتىسىپ، ءوز ۇسىنىستارىن ەنگىزۋى كوزدەلەدى.
مەكتەپ فورماسىنىڭ ءستيلىن جانە بەلدەمشەنىڭ ۇزىندىعىن تاڭداۋدى ورتا ءبىلىم بەرۋ ۇيىمى جانە جالپى مەكتەپ اتا-اناسىنىڭ حاتتاماسىمەن بەكىتەتىن كەڭەس (قامقورشىلىق كەڭەس، اتا-انالار كوميتەتى، مەكتەپتىڭ ءوزىن-وزى باسقارۋ ورگانى) انىقتايدى.
بۇل رەتتە ءبىلىم بەرۋ ورگاندارى وتاندىق وندىرۋشىلەردەن مەكتەپ فورماسىن ساتىپ الۋدى ۇسىنۋى مۇمكىن، ءبىراق ولار مەكتەپ فورماسىن شىعاراتىن جەكەلەگەن وندىرۋشىلەرگە ارتىقشىلىق بەرە المايدى.
مەكتەپ فورماسىن ساتىپ العاندا، اتا-انالار ءوندىرۋشىنى تاڭداۋدا تاۋەلسىز.
بۇيرىق 2023 جىلعى 10 قاڭتاردان باستاپ قولدانىسقا ەنگىزىلەدى.