ەل وڭىرلەرىندە ەپيدەميالىق جاعداي كۇردەلەنىپ كەلەدى
بۇگىن ق ر پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن قازاقستان رەسپۋبليكاسىنىڭ اۋماعىندا كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەڭەس جۇمىسىنا مەملەكەتتىك ورگانداردىڭ وكىلدەرى مەن وڭىرلەردىڭ باسشىلارى قاتىستى. كۇن تارتىبىندە ەپيدەميولوگيالىق جاعدايدىڭ ءورشۋى جانە «وميكرون» شتامىنىڭ اينالىمى ماسەلەلەرى قوزعالدى.
دەنساۋلىق ساقتاۋ ءمينيسترى اجار عينيات بايانداما جاسادى. ول ەپيدەميالىق جاعدايدىڭ كۇردەلەنىپ جاتقانىن اتاپ ءوتتى. تەك سوڭعى تاۋلىكتە 4 مىڭنان استام ادامدا ۆيرۋس انىقتالدى. ءقازىردىڭ وزىندە 4 ايماق «قىزىل» ايماققا ەندى. ۆەدومستۆوارالىق كوميسسيا ينفەكسيا تارالۋىن بولدىرماۋ ءۇشىن سانيتاريالىق-كارانتيندىك شارالاردى قاتاڭداتۋ تۋرالى شەشىم قابىلدادى.
اتاپ ايتقاندا:
- «جاسىل» مارتەبەسى بار تۇلعالارعا عانا ساۋدا-ويىن-ساۋىق ورتالىقتارى، ساۋدا ۇيلەرى مەن كاراوكەگە كىرۋگە رۇقسات بەرۋ تۋرالى نورمانى ۇزارتۋ؛
- 13 قاڭتاردان باستاپ «وميكرون» شتامىن ەسكەرە وتىرىپ، سپا-عا، سپورتتىق-ساۋىقتىرۋ جانە فيتنەس-ورتالىقتارىنا تەك «جاسىل» مارتەبەسى بار ادامدارعا رۇقسات بەرۋ؛
- 15 قاڭتاردان باستاپ ۆاكسيناسيالانۋ مارتەبەسىنە قاراماستان شەتەلدەن كەلگەندەردىڭ بارلىعىندا تەرىس پتر تەستىنىڭ مىندەتتى تۇردە بولۋى؛ سونداي-اق، «قىزىل» ايماققا كىرگەن نۇر-سۇلتان، الماتى، شىمكەنت قالالارىندا جانە اتىراۋ وبلىسىندا شەكتەۋ شارالارىن كۇشەيتۋ ۇسىنىلدى.
اتاپ ايتقاندا:
- 30 ادامنىڭ قاتىسۋىمەن «اشىق» نىساندارىندا وتكىزىلەتىن ەسكە الۋ شارالارىن قوسپاعاندا، بۇقارالىق ءىس-شارالاردى وتكىزۋگە تىيىم سالۋ؛
- ويىن-ساۋىق، مادەني ۇيىمداردىڭ قىزمەتىنە، ءدىني شارالاردى جانە ءارتۇرلى كونفەرەنسيالار مەن سەمينارلاردى وتكىزۋگە تىيىم سالۋ؛
- قوعامدىق تاماقتانۋ ورىندارىنداعى ءبىر ۇستەلدەگى ادامدار سانىن 4 ادامعا دەيىن ازايتۋ؛
- وقۋشىلاردىڭ ونلاين نىسانىنداعى وقۋلارى 2022 جىلعى 31 قاڭتارعا دەيىن، ورتا جانە جوعارى وقۋ ورىندارىنىڭ بارلىق كۋرستاعى ستۋدەنتتەرى ءۇشىن 2022 جىلدىڭ 6 اقپانىنا دەيىن؛
- ءبىلىم ورتالىقتارىنىڭ، بالالار مەن ەرەسەكتەرگە ارنالعان ۇيىرمەلەردىڭ جۇمىسىن ونلاين-فورماتقا كوشىرۋ؛
- مەملەكەتتىك ورگاندار، ۇلتتىق كومپانيالار مەن كاسىپورىندار قىزمەتكەرلەرىنىڭ كەمىندە 70% قاشىقتان جۇمىس ىستەۋگە كوشۋى ءتيىس؛
- الەۋمەتتىك قاشىقتىقتى ساقتاۋ مۇمكىندىگى ءۇشىن قوعامدىق كولىك سانىن كوبەيتۋ. كەڭەس سوڭىندا ۆيسە-پرەمەر اكىمدىكتەرگە ازاماتتاردى ۆاكسينالاۋ جانە قايتا ۆاكسينالاۋ قارقىنىن كۇشەيتۋدى، ۇكىمەت قابىلداعان شارالاردىڭ ساقتالۋىن باقىلاۋعا ەرەكشە نازار اۋدارۋدى تاپسىردى.