ەلىمىزدىڭ مەديسينا سالاسىندا قۇقىق بۇزۋشىلىق كوبەيگەن

الماتىدا ءبىر جىل بۇرىنعىدان 36،8% كوپ قىلمىس تىركەلگەن.

2022 جىلدىڭ قورىتىندىسى بويىنشا، ەلىمىزدە 223 مەديسينالىق قىلمىستىق قۇقىق بۇزۋشىلىق تىركەلگەن، دەپ حابارلايدى Almaty-akshamy.kz Finprom.kz-كە سىلتەمە جاساپ.

بىلتىرعى وسى كەزەڭدە قۇقىق بۇزۋشىلىقتار سانى 18% تومەندەپ، 210 جاعداي بولعان. وڭىرلىك تۇرعىدا مۇنداي قۇقىق بۇزۋشىلىقتاردىڭ باسىم بولىگى الماتىدا تىركەلگەن: 26 وقيعا – ءبىر جىل بۇرىنعىدان 36،8% كوپ.

كوشباسشى ۇشتىككە استانا (21 جاعداي، جىل سايىنعى ءوسىم 2،1 ەسە) جانە الماتى وبلىسى (20 جاعداي، مينۋس 47،4%) كىردى. سالاداعى قۇقىق بۇزۋشىلىقتاردىڭ ەڭ ازى جەتىسۋ، ۇلىتاۋ جانە اقتوبە وبلىستارىندا تىركەلگەن.

مەديسيناداعى قىلمىستىق قۇقىق بۇزۋشىلىقتاردىڭ بارلىعى (96،4%) مەديسينا نەمەسە فارماسيەۆتيكا قىزمەتكەرلەرىنىڭ كاسىبي مىندەتتەرىن تيىسىنشە ورىنداماۋىنا بايلانىستى بولدى: 215 جاعداي، جىلىنا + 5،4%. تاعى 6 فاكتى - زاڭسىز مەديسينالىق جانە فارماسيەۆتيكالىق قىزمەت پەن رەسەپتتەردى زاڭسىز بەرۋ نەمەسە قولدان جاساۋ، ءبىر فاكتى زاڭسىز تۇسىك ءتۇسىرۋ جانە جالعان دارىلىك زاتتارمەن، مەديسينالىق بۇيىمدارمەن نەمەسە مەديسينالىق تەحنيكامەن جۇمىس ىستەۋگە قاتىستى.

وسى ارادا ق ر دەنساۋلىق ساقتاۋ مينيسترلىگىندە مەملەكەتتىك ورگاننىڭ وڭ ءيميدجىن قالىپتاستىرۋ، مەملەكەتتىك قىزمەتشىلەرگە زاڭدا كوزدەلگەن قىزمەتتىك ەتيكا نورمالارىن ساقتاۋ جانە شەكتەۋلەر ماسەلەلەرى تالقىلاندى.

دەنساۋلىق ساقتاۋ مينيسترلىگىنىڭ ادەپ جونىندەگى ۋاكىلدەرى الەۋمەتتىك جەلىلەردە، ازاماتتارمەن تەلەفون ارقىلى سويلەسۋ كەزىندە، مەملەكەتتىك قىزمەت كورسەتۋ كەزىندە، باقىلاۋ-قاداعالاۋ فۋنكسيالارىن جۇزەگە اسىرۋ كەزىندە، ءىسساپارعا شىعۋ كەزىندە قىزمەتتىك ەتيكا نورمالارىن ساقتاۋ قاجەت ەكەنىنە توقتالدى. مۇددەلەر قاقتىعىسى بولعان جاعدايدا سىبايلاس جەمقورلىققا قارسى مىنەز-قۇلىق داعدىلارىن دامىتۋ ماسەلەسىن كوتەردى.