27 تامىزدا قازاقستاننىڭ جەتى وبلىسىندا قاتتى ىستىق بولادى، دەپ حابارلايدى aqshamnews.kz
ءبىر وڭىردە اۋا تەمپەراتۋراسى +40°س-قا دەيىن جەتەدى. ەلدىڭ باسىم بولىگىندە جاۋىن-شاشىنسىز اۋا رايى بولجانادى. تەك باتىس پەن سولتۇستىكتە جاڭبىر جاۋادى.
"قازگيدرومەت" رمك دەرەكتەرىنە سايكەس، كۇندىز قاتتى ىستىق كۇتىلەدى:
اقتوبە وبلىسىنىڭ وڭتۇستىگى مەن شىعىسىندا، قوستاناي وبلىسىنىڭ وڭتۇستىگىندە، ۇلىتاۋ وبلىسىنىڭ باتىسىندا، الماتى وبلىسىندا، جەتىسۋ وبلىسىندا – +35…+37°س دەيىن؛
ماڭعىستاۋ وبلىسىندا – +38°س دەيىن؛
قىزىلوردا وبلىسىندا – +40°س دەيىن.
"باتىس انتيسيكلوننىڭ اسەرىنەن قازاقستاننىڭ باسىم بولىگىندە جاۋىن-شاشىنسىز اۋا رايى كۇتىلەدى. تەك باتىس پەن سولتۇستىكتە اتموسفەرالىق فرونتتاردىڭ وتۋىمەن نايزاعايلى جاڭبىر جاۋادى، بۇرشاق ءتۇسۋى مۇمكىن. رەسپۋبليكا بويىنشا جەل كۇشەيەدى، باتىس پەن وڭتۇستىكتە – شاڭدى داۋىل، باتىس پەن سولتۇستىكتە تۇندە جانە تاڭەرتەڭ – تۇمان بولادى"، - دەلىنگەن بولجامدا.
سونىمەن قاتار، گيدرومەتورتالىقتىڭ مالىمەتىنشە، كەيبىر وڭىرلەردە:
جوعارى ءورت ءقاۋپى – الماتى وبلىسىندا، ۇلىتاۋ وبلىسىندا، جەتىسۋ وبلىسىنىڭ وڭتۇستىگى مەن شىعىسىندا، باتىس قازاقستان وبلىسىنىڭ وڭتۇستىگىندە، قاراعاندى وبلىسىنىڭ شىعىسىندا، اتىراۋ وبلىسىنىڭ وڭتۇستىگى مەن ورتالىعىندا، اقتوبە وبلىسىنىڭ ورتالىعى مەن شىعىسىندا، شىعىس قازاقستان وبلىسىنىڭ سولتۇستىگى، وڭتۇستىك-شىعىسى مەن ورتالىعىندا، قوستاناي وبلىسىنىڭ باتىسىندا، اباي وبلىسىنىڭ باتىسى، وڭتۇستىگى مەن ورتالىعىندا كۇتىلەدى؛
وتە جوعارى ءورت ءقاۋپى – تۇركىستان، قىزىلوردا، ماڭعىستاۋ، جامبىل وبلىستارىندا، سونداي-اق باتىس قازاقستان وبلىسىنىڭ باتىسىندا، الماتى وبلىسىنىڭ باتىسى مەن سولتۇستىگىندە، اتىراۋ وبلىسىنىڭ باتىسى مەن شىعىسىندا، قوستاناي وبلىسىنىڭ وڭتۇستىگىندە، قاراعاندى جانە اقتوبە وبلىستارىنىڭ وڭتۇستىگىندە بولجانادى.