سينوپتيكتەر 28 قاڭتاردا قولايسىز اۋا رايىنا بايلانىستى ەلىمىزدىڭ جەتى ايماعىندا ەسكەرتۋ جاريالادى، دەپ حابارلايدى Almaty-akshamy.kz.
"قازگيدرومەت" رمك اقپاراتىنا سايكەس، باتىس قازاقستان وبلىسىنىڭ باتىسىندا، وڭتۇستىك باتىسىندا، سونداي-اق قىزىلوردا وبلىسىنىڭ سولتۇستىگىندە تۇمان تۇسەدى دەپ كۇتىلەدى.
سينوپتيكتەر اقمولا وبلىسىنىڭ سولتۇستىگىندە، شىعىسىندا جاياۋ بۇرقاسىن جۇرەتىنىن بولجايدى. وبلىستىڭ سولتۇستىگىندە، شىعىسىندا وڭتۇستىك باتىستان سوققان جەلدىڭ ەكپىنى 15-20 م/س قۇرايدى. كوكشەتاۋدا وڭتۇستىك باتىستان سوققان جەلدىڭ ەكپىنى 15-20 م/س بولادى دەپ كۇتىلەدى.
جەتىسۋ وبلىسىنىڭ الاكول اۋدانىندا شىعىستان سوققان جەلدىڭ ەكپىنى 18-23 م/س دەيىن جەتەدى دەپ كۇتىلەدى.