وزبەكستان استاناسىندا كورشىلەس التى ەلدەن: وزبەكستان، قازاقستان، قىرعىزستان، ءازىربايجان، تۇركىمەنستان جانە تاجىكستاننان كەلگەن 135 وقۋشى اراسىندا ال-حارەزمي اتىنداعى حالىقارالىق ماتەماتيكا وليمپياداسى ءوتتى.
وقۋ-اعارتۋ مينيسترلىگىنىڭ مالىمەتىنشە، قازاقستان قۇراماسى 100% ناتيجە كورسەتىپ، ءتورت مەدال جەڭىپ الدى: 2 التىن، 1 كۇمىس جانە 1 قولا، دەپ حابارلايدى Almaty-akshamy.kz.
شەرحان جاقسىلىق - اقتوبە وبلىستىق دارىندى جاسوسپىرىمدەرگە ارنالعان «ءبىلىم-يننوۆاسيا» مامانداندىرىلعان مەكتەپ-ينتەرناتىنىڭ 9-سىنىپ وقۋشىسى؛
ورىنباسار بەردىبەك - اتىراۋ وبلىستىق №1 «ءبىلىم-يننوۆاسيا» ليسەي-ينتەرناتىنىڭ 9-سىنىپ وقۋشىسى؛
تەمىرلان ابىشيەۆ - اتىراۋ وبلىستىق №1 «ءبىلىم-يننوۆاسيا» ليسەي-ينتەرناتىنىڭ 9-سىنىپ وقۋشىسى؛
باتىرحان ارۋجان – الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 8-سىنىپ وقۋشىسى.
قۇراما كوماندانىڭ جەتەكشىسى – يبراگيم يباتۋلين، «ۇزدىك پەداگوگ» نوميناسياسىنىڭ يەگەرى، حالىقارالىق جانە رەسپۋبليكالىق وليمپيادالاردىڭ جەڭىمپازى.
ەستەرىڭىزگە سالساق، ءبىرىنشى وليمپيادا 2023 جىلى ءوتىپ، وعان 5 ەلدەن 72 قاتىسۋشى جينالعان. وندا قازاقستان قۇراماسى ەكى التىن، ەكى كۇمىس مەدالدى ەنشىلەدى.