قازاقستاندىق گرەك-ريم كۇرەسىنىڭ شەبەرلەرى وسى كەزدە بولگاريا استاناسى سوفيادا 20 جاسقا دەيىنگى بالۋاندار اراسىندا ءوتىپ جاتقان الەم چەمپيوناتىنىڭ جارتىلاي فينالىنا شىقتى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستاندىق دىنمۇحاممەد قوشقار 67 كگ-عا دەيىنگى سالماقتا ازەربايجاندىق بالۋان كانان ابدۋللازادەمەن كەزدەسەدى.
97 كگ-عا دەيىنگى سالماقتا ونەر كورسەتەتىن تاعى ءبىر قازاقستاندىق سپورتشى يۋسۋف ماسييەۆ تە جارتىلاي فينالعا شىقتى. ول قىرعىزستاندىق بالۋان نۇرمانبەت رايمالىۇلىمەن بەلدەسەدى.
سوفياداعى جارىستا قازاقستاندىق سپورتشىلار وسىعان دەيىن ايەلدەر كۇرەسىنەن ەكى «قولا» العان بولاتىن.