بۇل تۋرالى عىلىم جانە تەحنولوگيالار جونىندەگى ۇلتتىق كەڭەستىڭ وتىرىسىندا پرەزيدەنت قاسىم-جومارت توقايەۆ مالىمدەدى.
توقايەۆ ءال-فارابي اتىنداعى قازاق ۇلتتىق ۋنيۆەرسيتەتى جانە ل.گۋميليەۆ اتىنداعى ەۋرازيا ۇلتتىق ۋنيۆەرسيتەتى ءۇشىن جاڭا عيماراتتار سالۋدى تاپسىردى، دەپ حابارلايدى Almaty-akshamy.kz
"مەملەكەتتىك جوعارى وقۋ ورىندارىنىڭ عيماراتتارى ەسكىرگەن. كوبى جارتى عاسىردان استام ۋاقىت بۇرىن سالىنعان. بۇلاردىڭ ىشىندەگى ەڭ جاڭا دەگەنى – 1982 جىلى بوي كوتەرگەن اقتوبە مەملەكەتتىك ۋنيۆەرسيتەتى"،- دەدى مەملەكەت باسشىسى.
سونداي-اق، پرەزيدەنت ماتەريالدىق-تەحنيكالىق بازانى جانە باسقا دا جوعارى وقۋ ورىندارىن جاڭعىرتۋ قاجەت ەكەنىن ايتتى.
"ۋنيۆەرسيتەتتەردىڭ جانە زەرتتەۋ ورتالىقتارىنىڭ ەسكىرگەن زەرتحانالارىن بىرتىندەپ قالىپقا كەلتىرۋ قاجەت"، دەدى قاسىم-جومارت توقايەۆ.