كەي وڭىرلەردە جاۋىن-شاشىن تاپشىلىعى بولادى.
«قازگيدرومەت» سينوپتيكتەرى شىلدە ايىندا بىرنەشە وڭىردە قۇرعاقشىلىق بولاتىنىن بولجاپ وتىر، دەپ حابارلايدى Almaty-akshamy.kz.
مامانداردىڭ بولجامىنا سايكەس، اقمولا وبلىسىنىڭ قورعالجىن اۋدانىندا، اقتوبە وبلىسىنىڭ ايتەكە بي جانە حرومتاۋ اۋداندارىندا، الماتى وبلىسىنىڭ الاكول اۋدانىندا، قاراعاندى وبلىسىنىڭ نۇرا جانە قارقارالى اۋداندارىندا، قوستاناي وبلىسىنىڭ امانگەلدى جانە جانگەلدى اۋداندارىندا، ماڭعىستاۋ وبلىسىنىڭ بەينەۋ جانە ماڭعىستاۋ اۋداندارىندا، اباي وبلىسىنىڭ سەمەي ماڭىندا جانە قىزىلوردا وبلىسىنىڭ باسىم بولىگىندە جاۋىن-شاشىن تاپشىلىعى كۇتىلەدى.
سونداي-اق قۇرعاقشىلىق قىزىلوردا وبلىسىنىڭ قارماقشى اۋدانىندا جانە ماڭعىستاۋ وبلىسىنىڭ قاراقيا اۋدانىندا دا بولادى دەپ بولجانۋدا.
«ەلىمىزدىڭ قالعان اۋماقتارىندا ىلعالدانۋ جاعدايى نورماعا جاقىن، ال اتىراۋ، اقتوبە، الماتى، باتىس قازاقستان وبلىستارىنىڭ جەكەلەگەن اۋداندارىندا تىپتەن وڭتايلى بولادى»، - دەلىنگەن «قازگيدرومەت» رمك حابارلاماسىندا.