جەل سوعىپ، كوكتايعاق بولادى.
قازاقستاننىڭ بىرنەشە وڭىرىندە اۋا رايىنا بايلانىستى ەسكەرتۋ جاسالدى، دەپ حابارلايدى Almaty-akshamy.kz "قازگيدرومەتكە" سىلتەمە جاساپ.
اقتوبە وبلىسىنىڭ وڭتۇستىگى مەن ورتالىعىندا جاياۋ بۇرقاسىن كۇتىلەدى. وبلىستىڭ سولتۇستىگى، شىعىسى مەن ورتالىعىندا شىعىستان، سولتۇستىك-شىعىستان سوققان جەلدىڭ جىلدامدىعى 15-20 م/س جەتەدى. اقتوبە قالاسىندا شىعىستان، سولتۇستىك-شىعىستان جەل سوعادى، تۇندە ەكپىنى 16 م/س.
باتىس قازاقستان وبلىسىندا كوكتايعاق بولادى. وبلىستىڭ وڭتۇستىك-باتىسىندا تۇمان تۇسەدى. كۇندىز وبلىستىڭ سولتۇستىگى مەن سولتۇستىك-شىعىسىندا سولتۇستىك-شىعىستان، شىعىستان ەكپىنى 15-20 م/س جەل سوعادى. ورال قالاسىندا كۇندىز جاياۋ بۇرقاسىن بولماق. سولتۇستىك-شىعىستان جانە شىعىستان سوعاتىن جەل ەكپىنى كۇندىز 15-20 م/س-قا جەتەدى.
قاراعاندى وبلىسىنىڭ باتىسى، وڭتۇستىگى مەن شىعىسىندا سولتۇستىك-شىعىستان، شىعىستان ەكپىنى 15-20 م/س جەل سوعادى. جەزقازعان قالاسىندا سولتۇستىك-شىعىستان، شىعىستان سوعاتىن جەلدىڭ جىلدامدىعى 18 م/س بولادى.
قىزىلوردا وبلىسىنىڭ كوپ بولىگىندە جاۋىن-شاشىن (جاڭبىر، قار)، ورتالىعى مەن سولتۇستىگىندە كوكتايعاق بولادى. وبلىستىڭ ورتالىعى مەن سولتۇستىگىندە سولتۇستىك-شىعىستان جانە شىعىستان 15-20 م/س جەل سوعادى. قىزىلوردا جەلدىڭ جىلدامدىعى 15-20 م/س-قا دەيىن جەتەدى.
تاڭەرتەڭ جانە كۇندىز تۇركىستان وبلىسىنىڭ وڭتۇستىگى، تاۋلى جانە تاۋ بوكتەرىندەگى اۋداندارىندا مول جاۋىن-شاشىن جاۋادى. تاۋلى جانە تاۋ بوكتەرىندەگى اۋدانداردا تۇمان ءتۇسىپ، كۇن كۇركىرەيدى. وبلىستىڭ باتىسى، سولتۇستىگى، تاۋلى جانە تاۋ بوكتەرىندەگى اۋداندارىندا وڭتۇستىك-شىعىستان سوعاتىن 15-20 م/س جەل سولتۇستىك-باتىسقا قاراي اۋىسادى. تۇركىستان قالاسىندا وڭتۇستىك-شىعىستان سوعاتىن جەل سولتۇستىك-باتىسقا قاراي اۋىسىپ، ەكپىنى 15-20 م/س-قا جەتەدى.
شىمكەنت قالاسىندا كۇندىز جانە تۇندە مول جاۋىن-شاشىن (جاڭبىر، قار) جاۋادى، اراسىندا كۇن كۇركىرەيدى. وڭتۇستىك-شىعىستان سوعاتىن جەل سولتۇستىك-باتىسقا قاراي اۋىسادى، ەكپىنى 15-20 م/س.