قار، جاڭبىر جاۋىپ، سۋ دەڭگەيىنىڭ كوتەرىلۋى مۇمكىن ەكەنى بولجاندى.
"قازگيدرومەت" رمك 2024 جىلدىڭ 10-12 ءساۋىر ارالىعىندا قازاقستاننىڭ باسىم بولىگىندە اۋا رايى كۇرت وزگەرۋى مۇمكىن ەكەنىن ەسكەرتتى، دەپ حابارلايدى Almaty-akshamy.kz
سينوپتيكتەردىڭ مالىمەتىنشە، رەسپۋبليكامىز بويىنشا قاتتى جاۋىن-شاشىن مەن جەل بولىپ، سالدارىنان سۋ دەڭگەيىنىڭ كوتەرىلۋ ءقاۋپى جوعارىلايدى.
10 ساۋىردە اقمولا وبلىسىندا تۇندە قار ارالاس جاڭبىر، كۇندىز جاڭبىر جاۋادى. تۇندە جانە تاڭەرتەڭ وبلىستىڭ باتىسىندا، سولتۇستىگىندە، شىعىسىندا تۇمان ءتۇسۋى ىقتيمال. وبلىستىڭ باتىسىندا، سولتۇستىگىندە، شىعىسىندا باتىستان، سولتۇستىك-باتىستان 15-20 م/س جىلدامدىقپەن جەل سوعادى.
سۋ دەڭگەيى جوعارىلاي تۇسەدى دەپ كۇتىلەدى. ۆەدومستۆو سۋ ءقاۋىپتى مەجەدەن اسقان كەزدە وزەن جاعاسىندا جانە ونىڭ اعىسى بويىنشا تومەن ورنالاسقان ەلدىمەكەندەردى، شارۋاشىلىق نىسانداردى، جەرگىلىكتى ماڭىزى بار جولداردى سۋ باسۋ ءقاۋپى ساقتالاتىنىن ەسكەرتتى.
10 ساۋىردە استانادا تۇندە جانە تاڭەرتەڭ تۇمان تۇسەدى دەپ كۇتىلەدى.
جەتىسۋ وبلىسىنىڭ وڭتۇستىگىندە، شىعىسىندا سينوپتيكتەر وڭتۇستىك-باتىستان 20 م/س، كەي تۇستا 23-28 م/س جىلدامدىقپەن جەل سوعاتىنىن بولجايدى.
سولتۇستىك قازاقستان وبلىسىندا تۇندە جاۋىن-شاشىن (جاڭبىر، قار)، كۇندىز نەگىزىنەن جاڭبىر جاۋادى. تۇندە جانە تاڭەرتەڭ وبلىستىڭ سولتۇستىگىندە، شىعىسىندا تۇمان، كوكتايعاق بولادى دەپ كۇتىلەدى. كۇندىز وبلىستىڭ سولتۇستىگىندە، شىعىسىندا، وڭتۇستىگىندە سولتۇستىك-باتىستان، سولتۇستىكتەن سوققان جەلدىڭ ەكپىنى 15-20 م/س دەيىن جەتەدى. پەتروپاۆلدا تۇندە جاۋىن-شاشىن (جاڭبىر، قار)، كوكتايعاق بولادى، كۇندىز جاڭبىر جاۋادى دەپ بولجانادى. تۇندە جانە تاڭەرتەڭ تۇمان بولادى.
كۇندىز باتىس قازاقستان وبلىسىنىڭ سولتۇستىگىندە، شىعىسىندا قاتتى جاڭبىر، نايزاعاي بولادى دەپ بولجانادى. تۇندە جانە تاڭەرتەڭ وبلىستىڭ سولتۇستىگىندە، شىعىسىندا تۇمان تۇسەدى. ورالدا اراكىدىك قاتتى جاڭبىر جاۋىپ، نايزاعاي وينايدى دەپ كۇتىلەدى.
تۇندە اقتوبە وبلىسىنىڭ شىعىسىندا، كۇندىز باتىسىندا، سولتۇستىگىندە جاڭبىر جاۋادى. تۇندە جانە تاڭەرتەڭ وبلىستىڭ باتىسىندا، سولتۇستىگىندە تۇمان ءتۇسۋى ىقتيمال.
سەمەيدە (اباي وبلىسى) جاڭبىر جاۋادى. كۇندىز قالانىڭ باتىسىندا وڭتۇستىك-باتىستان سوققان جەلدىڭ ەكپىنى 15-20 م/س دەيىن جەتەدى.
وسكەمەندە (شىعىس قازاقستان وبلىسى) جاڭبىر جاۋادى. كۇندىز وڭتۇستىك-شىعىستان وڭتۇستىك-باتىسقا ويىسا سوققان جەلدىڭ ەكپىنى 15-18 م/س دەيىن جەتەدى.
پاۆلودار وبلىسىندا جاڭبىر جاۋادى، تۇندە وبلىستىڭ سولتۇستىگىندە تۇمان تۇسەدى. وبلىستىڭ وڭتۇستىگىندە، باتىسىندا باتىستان سوققان جەلدىڭ ەكپىنى 15-20 م/س قۇرايدى. پاۆلوداردا جاڭبىر جاۋادى.
"10 ساۋىردە تۇندە قاراعاندى وبلىسىنىڭ سولتۇستىگىندە، شىعىسىندا، ورتالىعىندا سينوپتيكتەر جاڭبىر جاۋادى دەپ بولجايدى. تۇندە جانە تاڭەرتەڭ وبلىستىڭ سولتۇستىگىندە تۇمان بولادى. كۇندىز باتىستان سوققان جەلدىڭ ەكپىنى 20 م/س دەيىن جەتەدى. قاراعاندىدا جاڭبىر جاۋادى دەپ كۇتىلەدى. ءمۇندا باتىستان سوققان جەلدىڭ ەكپىنى 15-20 م/س قۇرايدى"، دەلىنگەن "قازگيدرومەت" رمك اقپاراتىندا.
ۇلىتاۋ وبلىسىنىڭ سولتۇستىگىندە، شىعىسىندا، ورتالىعىندا جاڭبىر جاۋادى، باتىستان جەل سوعادى. وبلىستىڭ سولتۇستىگىندە، شىعىسىندا سوققان جەلدىڭ ەكپىنى 15-20 م/س دەيىن جەتەدى. جەزقازعاندا اراكىدىك جاڭبىر جاۋادى.
قوستاناي وبلىسىنىڭ باتىسىندا، سولتۇستىگىندە، شىعىسىندا تۇندە جاۋىن-شاشىن (جاڭبىر، قار)، كۇندىز جاڭبىر جاۋادى. وبلىستىڭ وڭتۇستىگىندە تۇمان ءتۇسۋى ىقتيمال.
"قوستاناي وبلىسىندا جاۋىن-شاشىننىڭ كوپ تۇسۋىنە بايلانىستى 2024 جىلى 10-12 ءساۋىر ارالىعىندا قار قارقىندى ەرىپ، سونداي-اق وبلىستىڭ سولتۇستىك جانە شىعىس وزەندەرىندەگى سۋ دەڭگەيىنىڭ كوتەرىلۋى جالعاسادى. سۋدىڭ سىني مەجەدەن اسۋى مۇمكىن"، دەدى "قازگيدرومەت" رمك.