قازگيدرومەت ەل اۋماعىندا 5 قىركۇيەكتە بولاتىن ءقاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Almaty-akshamy.kz.
قازاقستاننىڭ باسىم بولىگىندە اتموسفەرالىق فرونتالدى بولىمدەردىڭ وتۋىنە بايلانىستى اۋا رايىنىڭ تۇراقسىز سيپاتى ساقتالادى، جاڭبىر جاۋادى، ەلىمىزدىڭ وڭتۇستىك-شىعىسىنداعى تاۋلى اۋدانداردا جاۋىن-شاشىن (جاڭبىر، قار) تۇسەدى. تەك ەلىمىزدىڭ باتىسى مەن وڭتۇستىگىندە اۋا رايى كوبىنە جاۋىن-شاشىنسىز بولادى دەپ كۇتىلەدى. رەسپۋبليكا بويىنشا نايزاعاي، ەكپىندى جەل، بۇرشاق جاۋادى. سولتۇستىك-باتىستا، سولتۇستىكتە، ورتالىقتا، وڭتۇستىك-شىعىستىڭ تاۋلى ايماقتارىندا تۇمان بولادى.
«جامبىل وبلىسىندا، قىزىلوردا وبلىسىنىڭ شىعىسىندا، وڭتۇستىگىندە، ورتالىعىندا، اتىراۋ وبلىسىنىڭ سولتۇستىك-باتىسىندا، سولتۇستىك-شىعىسىندا، وڭتۇستىگىندە، اقتوبە وبلىسىنىڭ باتىسىندا، باتىس قازاقستان وبلىسىنىڭ وڭتۇستىك-باتىسىندا، سولتۇستىك-باتىسىندا، سولتۇستىگىندە، شىعىسىندا توتەنشە ءورت ءقاۋپى ساقتالادى.
باتىس قازاقستان وبلىسىنىڭ وڭتۇستىگىندە، ورتالىعىندا، پاۆلودار، قاراعاندى، ۇلىتاۋ وبلىستارىنىڭ وڭتۇستىگىندە ءورت ءقاۋپى بار، ماڭعىستاۋ وبلىسىنىڭ باتىسىندا، وڭتۇستىگىندە جوعارعى ءورت ءقاۋپى كۇتىلەدى»، - دەپ جازدى سينوپتيكتەر.