قازاقستاندىق باسپا ءسوز حاتشىلارى اقش قۇرىلىمدارىندا بىلىكتىلىگىن ارتتىرادى. بۇل جايىندا اقپارات جانە قوعامدىق دامۋ ءمينيسترى دارحان ءقىدىرالى قازاق تىلىندە كونتەنت جاساۋشىلاردىڭ VI فورۋمىندا ءمالىم ەتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
«كۇنى كەشە عانا مينيسترلىكتە حاراسسمەنتتەن قورعاۋ جونىندە ارنايى بۇيرىق شىعاردىق. ادام قۇقىقتارى، ءسوز بوستاندىعى جانە باسقا دا ماسەلەلەر جونىندەگى قاعيداتتارىمىز، زاڭنامامىز وسىلاي جەتىلە بەرەدى»، - دەدى ول.
مينيستر ۆەدومستۆو تاراپىنان مەدياساۋاتتى ارتتىرۋ باعىتىندا دا ءبىرقاتار شارالار قابىلدانعانىن ايتتى.
«بۇل ءۇشىن ءبىز جاڭا مەديالار اشتىق. قازىرگى كەزەڭدە كوپتەگەن ادىستەمەلەر، سەمينارلار وتكىزىلە باستادى. تاياۋدا عانا اقش ەلشىلىگىنىڭ قولداۋىمەن باسپا ءسوز قىزمەتى جونىندە ۇلكەن جيىن، سەمينار ءوتتى جانە كىتاپتىڭ تۇساۋكەسەرى بولدى. تاياۋدا ءبىز تاعى دا اقش ەلشىلىگىنىڭ قولداۋىمەن قازاقستانداعى باسپا ءسوز حاتشىلارىن اقش-تىڭ بەلدى قۇرىلىمدارىنا اپارىپ، بىلىكتىلىگىن ارتتىرۋ كۋرسىن جالعاستىرۋدى ءجون كورىپ وتىرمىز. ول ءۇشىن تاعى دا راحمەت ايتامىن»، - دەدى دارحان ءقىدىرالى.