72 جاستاعى اقساقال بارلىعى 8000 شاقىرىمدى ارتقا تاستاعان.
سارسەنباي قوتىراشوۆ التى اي بويى قازاقستان اۋماعىن جاياۋ ارالاپ شىقتى، دەپ حابارلايدى Almaty-akshamy.kz.
اقساقال جەزقازعاننان شىعىپ، ەلدىڭ شىعىسىمەن ءوتىپ، كاسپييگە جەتكەن. ول بارلىعى 8000 شاقىرىمدى ءجۇرىپ ءوتىپتى. كۇش-قايراتى قايتپاعان ساياحاتشى قارياعا جيھازبەن جانە تۇرمىستىق تەحنيكامەن جابدىقتالعان پاتەر سىيعا بەرىلدى.
«بۇل - شىنىمەن كەرەمەت ناتيجە! ءبىزدىڭ وبلىستىڭ بارلىق تۇرعىندارى ب ا ق ارقىلى ءسىزدىڭ ساپارىڭىزدى باقىلاپ، سىزگە ساتتىلىك تىلەپ، دەنساۋلىعىڭىزعا الاڭداپ، ورتامىزعا ورالعانىڭىزدى تىلەدى. ءسىزدىڭ بۇل ءىسىڭىز - جاس ۇرپاق ءۇشىن ۇلكەن ۇلگى. سىزگە زور دەنساۋلىق، ۇزاق ءومىر جانە سارقىلماس قۋات تىلەيمىز. ءسىزدىڭ وسى ەرلىگىڭىز ءۇشىن سىزگە جەزقازعان قالاسىنداعى ەكى بولمەلى پاتەردىڭ كىلتىن تابىستايمىز»، - دەپ قۇتتىقتادى «قازاقمىس سمەلتينگ» ج ش س باس ديرەكتورى نۇراحمەت نۇرييەۆ.