«قازگيدرومەت» رمك باسپا ءسوز قىزمەتى تاراتقان مالىمەتكە سەنسەك، بۇگىن ەلىمىزدەگى قالالاردىڭ باسىم كوپشىلىگىندە مەتەورولوگيالىق احۋال ءبىرقالىپتى بولادى، دەپ حابارلايدى aqshamnews.kz.
تەك قوستاناي، وسكەمەن، سەمەي، ريددەر، ورال، اقتوبە، تۇندە اتىراۋ قالالارىندا اۋانىڭ لاستانۋىنىڭ قولايسىز مەتەورولوگيالىق جاعدايلارى كۇتىلەدى.
قولايسىز مەتەورولوگيالىق جاعداي — اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.