زاۋىت سالۋ ماسەلەسى 2021 جىلدان بەرى سوزىلىپ كەلەدى.
ورتالىق كوممۋنيكاسيالار قىزمەتىندە وتكەن بريفينگتە ق ر ەكولوگيا جانە تابيعي رەسۋرستار مينيسترلىگى قالدىقتاردى باسقارۋ جونىندەگى مەملەكەتتىك ساياسات دەپارتامەنتىنىڭ ديرەكتورى مانسۇر وشۋربايەۆ التى وبلىستا قوقىستى ورتەۋ زاۋىتتارىن سالۋ جوباسى توقتاتىلعانىن ايتتى، دەپ حابارلايدى Almaty-akshamy.kz
ۆەدومستۆو وكىلىنىڭ ايتۋىنشا، قازاقستاندا قوقىستى ورتەۋ زاۋىتتارىن سالۋ ماسەلەسى 2021 جىلدان بەرى سوزىلىپ كەلەدى.
"جوسپارلانعان التى قوقىس ورتەيتىن زاۋىت قۇرىلىسىن جۇزەگە اسىرۋدا بەلگىلى ءبىر قيىندىقتار بار. راسىندا دا ۇتىپ العان كومپانيا بۇل جوبانى جۇزەگە اسىرۋدى توقتاتۋعا نيەت ءبىلدىردى. ياعني، اۋكسيوندا ءدال وسى التى زاۋىت ءوتتى، ولاردىڭ قۇرىلىسى جۇرگىزىلمەيدى. جوبا توقتاتىلدى"، دەدى مانسۋر وشۋربايەۆ.
دەپارتامەنت ديرەكتورى جوبانى قاي قالالاردا جۇزەگە اسىرۋ جوسپارلانعانىن ەسكە سالدى. ولار: استانا، الماتى، شىمكەنت، اتىراۋ، تاراز جانە اقتوبە.
ول سونىمەن قاتار قالدىقتاردى جاعۋ تاريفتەرى ماسەلەسى ءالى پىسىقتالىپ جاتقانىن ايتتى.
2020 جىلدىڭ كۇزىندە قازاقستان قالالارىندا قوقىستى ورتەپ، ونى ەلەكتر قۋاتىنا وڭدەيتىن زاۋىتتار سالىنادى دەگەن اقپارات پايدا بولدى. بۇل يدەياعا سول كەزدەگى ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم ميرزاعالييەۆ ۇلكەن ءۇمىت ارتقانىمەن، كەيىننەن ەكولوگتار قارسى شىقتى.